Dəm qazı zəhərlənmələrinin qarşısını almaq mümkündür - BİLMƏYİNİZ VACİBDİR

"Dəm qazı zəhərlənmələrinin qarşısını almaq mümkündür. Bunun üçün mənzillərdə dəm qazı əmələ gələndə siqnal verən xüsusi qurğular quraşdırıla bilər. Bu qurğular qaz cihazlarına yerləşdirilsə, dəm qazı yaranan kimi qaz verilişi dayanır".

Metbuat.az trend-ə istinadən xəbər verir ki, bunu Kliniki Tibbi Mərkəzin Toksikologiya şöbəsinin müdiri Azər Maqsudov deyib.

Onun sözlərinə görə, dəm qazı zəhərlənmələri əsasən hamam otağında olur.

A.Maqsudov qeyd edib ki, dəm qazından zəhərlənən insan ilk növbədə təmiz havaya çıxarılmalıdır:

"Zəhərlənən şəxslərin bədən hərarəti düşdüyü üçün onların üstünü örtmək, isti su vermək lazımdır. Huşu üzərində olmayan insanların ağız boşluğunu açaraq seliyi təmizləmək lazımdır ki, nəfəs yolları açılsın".

A.Maqsudov qeyd edib ki, bu il yanvar ayında şöbəyə 18 nəfər, fevral ayında 20 nəfər və mart ayında 6 nəfər dəm qazı zəhərlənmələri ilə daxil olub. Xəstələrin hamısı evə buraxılıb. Müraciət edən xəstələrin 70 faizini qadınlar təşkil edir:

"Bundan başqa, fevral ayında 2 nəfər sirkə turşusu, 11 nəfər kəskin allergik reaksiya ilə daxil olub, bunların da çoxu dərman qəbulundan sonra baş verib. Hər gün də olmasa, bir gündən bir 6-7 nəfər spirtli içki ilə bağlı müraciət edir".

XƏBƏRDARLIQ: Martın 9-u və 10-da intensiv yağış yağacaq - Oxumaq üçün tıkla


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR