Nigeriya ordusu terrorçu "Boko Haram" qruplaşmasına qarşı keçirdiyi növbəti əməliyyatı uğurla başa vurub.
Əməliyyat nəticəsində terrorçuların girov kimi saxladığı 1000 nəfər azad olunub.
Milli.Az ABC-yə istinadən bildirir ki, Nigeriya ordusunun 22-ci briqadasının Çoxmillətli Xüsusi Təyinatlı Birləşmiş Qüvvələrlə (Multinational Joint Task Force, MNJTF) birlikdə Borno ştatının Bama rayonundakı Malamkari, Amsaka, Valasa və Qora kəndlərində keçirdiyi əməliyyat zamanı azad edilən girovların əksəriyyəti qadınlar və uşaqlardır.
MNJTF qüvvələri Nigeriya, Benin, Kamerun, Çad və Niger hərbçilərindən ibarət olaraq "Boko Haram"a qarşı mübarizə aparır.
Milli.Az
