Haitidə mikroavtobusla yük maşınının toqquşması nəticəsində 15 nəfər hadisə yerində ölüb, 14 nəfər xəsarət alıb.
APA-nın TASS agentliyinə istinadən verdiyi xəbərə görə, hadisə paytaxt Port-o-Prens şəhərindən 40 km şimalda qeydə alınıb.
Yaralılar xəstəxanaya yerləşdirilib. Onlardan bəzilərinin vəziyyətinin kritik olduğu bildirilir.
Qəzanın hansı səbəbdən baş verdiyi hələlik məlum deyil.
