Ermənilərin 3 istiqamətdə HÜCUM PLANI, son KART… - HƏFTƏNİN SİYASİ XÜLASƏSİ

Ermənistanın hərbi birləşmələri 14-19 may tarixlərində Azərbaycanın işğal edilmiş Dağlıq Qarabağ bölgəsində hərbi təlim keçirib. Ermənistan Xarici İşlər Nazirliyi Dağlıq Qarabağ danışıqlarının atmosferinə zidd olan növbəti bəyanat verib. ABŞ prezidentinin Fələstin dövlətinin qurulmasnı nəzərdə tutan planın detalları məlum olub. Vaşinqton İran üzrə strategiyasını açıqlayıb. Ukraynanın Donbas bölgəsində vəziyyət kəskin pisləşib. Fələstin İsraildən Beynəlxalq Cinayət Məhkəməsinə şikayət ünvanlayıb. İsrail Türkiyəyə qarşı erməni və kürd kartlarından istifadə etməyə qərar verib. ABŞ Pxenyanı Liviya ssenarisini təkrarlamaqla hədələyib. 2019-cu il maliyyə ilində Pentaqonun büdcəsi haqqında qanun layihəsində Türkiyə əleyhinə müddəa yer alıb. İran 2015-ci ildə imzalanan nüvə sazişi ilə əlaqədar qərarının bir neçə həftə ərzində verəcək. ABŞ KXDR-ə qarşı yeni sanksiyaların tətbiqi imkanına baxır.

Azərbaycan, Dağlıq Qarabağ

Ermənistanda Serj Sarkisyanın devrilməsi ilə nəticələnən “məxməri inqilab” Azərbaycanın erməni hərbi birləşmələri tərəfindən işğal edilən Dağlıq Qarabağ bölgəsinə keçir. Erməni siyasi şərhçi Arutün Qriqoryan Qarabağda qondarma rejimin “prezidenti” Bako Saakyana qarşı üsyanın başlayacağını yazıb.

Qarabağda vəziyyət dəyişir, ermənilər Bakıya ÜZ TUTUR - İrəvana BÖYÜK ŞOK

Ermənistanın hərbi birləşmələri 14-19 may tarixlərində Azərbaycanın işğal edilmiş Dağlıq Qarabağ bölgəsində hərbi təlim keçirib. Bu barədə Ermənistan Müdafiə Nazirliyinin mətbuat xidmətinin rəhbəri Artsrun Ovannisyan feysbuk səhifəsində məlumat yayıb.

Məlumata görə, işğalçı ordu üç mərhələdə təlim keçib.

1. Aviasiya.

2 Əks-hücum.

3. Müdafiə.

Qeyd edək ki, təlimləri Ermənistanın müdafiə naziri David Tonoyan da izləyib.

Ermənistan Xarici İşlər Nazirliyi yenə də Dağlıq Qarabağ danışıqlarının atmosferinə zidd olan bəyanat verib. Ermənistan XİN-in mətbuat katibi Tiqran Balayan “Azərbaycan başa düşməlidir ki, Dağlıq Qarabağın danışıqlarda bilavasitə iştirakı olmadan sülhün təmin olunması mümkün deyil”, - deyə bildirib.

T. Balayan Azərbaycan və Ermənistan XİN rəhbərlərinin görüşü haqqında razılığın olmadığını qeyd edib.

“Ərazilərin qaytarılmasından söhbət belə gedə bilməz”, - deyə o əlavə edib.

Qeyd edək ki, Nikol Paşinyanın hakimiyyətə gəlişindən sonra Ermənistan Dağlıq Qarabağın danışıqlarda tərəf kimi iştirakını irəli sürür. Hansı ki, Bakı 20 ildən artıq davam edən danışıqlar prosesində buna qarşı çıxıb. Ekspertlər isə İrəvanın mövqeyini müharibəyə çağırış kimi qiymətləndirirlər.

Rusiya xarici işlər naziri Sergey Lavrovla Ermənistanın yeni xarici işlər naziri Zöhrab Mnatsakanyan arasında mayın 23-də telefon danışığı olub. Xarici işlər nazirləri Dağlıq Qarabağ münaqişəsinin həlli ilə bağlı müzakirə aparıblar.

“Paşinyanın “Dağlıq Qarabağ Ermənistanın ayrılmaz hissəsidir” deyə səsləndirdiyi fikirlər diplomatdan daha çox, sadə insanın sözlərinə bənzəyir”. Bu barədə məşhur britaniyalı politoloq Tomas de Vall deyib.

Onun sözlərinə görə, Paşinyanın sərt mövqeyi vəziyyəti çətinləşdirir: “Görünür, o, milli təhlükəsizliyin təminatında öz mandatını təmin etmək və Qarabağdakı ermənilərlə birlikdə olduğunu inandırmaq istəyir”.

De Valın fikrincə, əgər Paşinyan Qarabağın müstəqilliyi və ərazilərin qaytarılmayacağı mövqeyində israr edərsə, bu, Bakı ilə danışıqlarda heç bir məsələyə yer qoymur və hər iki tərəfin müharibəyə qayıtması ilə nəticələnəcək.

“Azərbaycan Prezidenti İlham Əliyev isə susur və davakar bəyanatları müdafiə nazirinin, diplomatik bəyanatları isə xarici işlər nazirinin dili ilə səsləndirir. Azərbaycan prezidenti hələ ki, susur, lakin sonrakı dövrdə bu, belə olmayacaq. Ermənistan liderləri ehtiyatlı olmalıdırlar. Çünki Qarabağ üzrə danışıqlar prosesi nəzakətli konstruksiyadır. Onun iflası yeni münaqişəyə səbəb olacaq”, - deyə o bildirib.

Ermənistanın xarici işlər nazirinin müavini Savarş Koçaryan dünən jurnalistlərə açıqlamasında “Kazan planı”nın Dağlıq Qarabağın danışıqlarda iştirakını nəzərdə tutduğunu açıqladı. Söhbət 2010-cu ildə həmin vaxt Rusiya prezident olan Dmitri Medvedevin təşəbbüsü ilə keçirilən Kazan görüşündən sonra gündəmə gələn “Kazan düsturu”ndan gedir. Koçaryanın fikrincə, “Kazan düsturu” Qarabağın danışıqlar prosesində iştirakını təmin edir, hərçənd, bu təklifdə belə məqam yoxdur. Erməni siyasi şərhçi Akop Badalyan Koçaryanın dediklərinin yanlış olduğunu yazıb.

Azərbaycan Ordusu Xankəndinə girəcəkdi - Badalyan “Kazan düsturu”nun SİRRİNİ AÇDI

Azərbaycanın Ermənistan tərəfindən işğal edilmiş Dağlıq Qarabağ bölgəsində yaradılan qondarma rejimin keçmiş “müdafiə naziri”, hazırda həbsdə olan Samvel Babayan Xankəndində “məxməri inqilab” hazırlayır. Bu barədə Ermənistanın “Jamanak” qəzeti şəxsi mənbələrə istinadən yazıb.

Xankəndində üsyan hazırlığı: Bakı hərəkətə keçə bilər

Türkiyə prezidentliyinə növbəti dəfə namizəd olan hakim Ədalət və İnkişaf Partiyasının (AKP) lideri Rəcəb Tayyip Ərdoğan Seçki Bəyannaməsinə Dağlıq Qarabağın işğaldan azad edilməsi məsələsini də daxil edib. Bəyannamədə deyilir: “Azərbaycan torpaqlarının işğaldan azad edilməsi istiqamətində fəaliyyətimizi davam etdirəcəyik”.

Bununla yanaşı, bəyannamədə qeyd olunur ki, Ərdoğan yenidən prezident seçilərsə, Qafqaz və Mərkəzi Asiya ölkələri ilə əlaqələr daha da inkişaf etdiriləcək, Türk Şurası daha da güclənəcək.

Rusiya xarici işlər naziri Sergey Lavrovla Ermənistanın xarici işlər naziri Zoqrab Mnasakanyanın dünən reallaşan telefon danışığında Qarabağla bağlı müzakirələrin detalları ortaya çıxıb. Lavrov Dağlıq Qarabağ münaqişəsini müzakirə etmək üçün Mnasakanyanı Moskvaya dəvət edib. Yaxın günlərdə erməni nazirin Moskvaya səfəri gözlənilir.

Ermənistanın diplomatik mənbələri Lavrovun Mnasakanyana Qarabağ münaqişəsi üzrə danışıqların əhəmiyyətli mərhələyə keçməsinin vacibliyini çatdırdığını qeyd ediblər.

“Ermənistan Qarabağın danışıqlarda tərəf olmasını və Rusiyanın Azərbaycana silah satışının dayandırılmasını istəyir. Lavrovun cavabı müsbət olmayıb, əvəzində o, bütün bunların Moskva görüşündə müzakirə edilməsini istəyib”, - deyə diplomatik mənbələr vurğulayıblar.

Moskva Azərbaycanın Qarabağı hərbi yolla qaytarmaq planına göz yuma və ciddi hərbi toqquşma başlaya bilər.

Paşinyandan Putinə gözlənilməz ZƏRBƏ: Rusiya Bakının Qarabağ PLANINI DƏSTƏKLƏYƏCƏK

Ermənistanda hakimiyyətə Nikol Paşinyanın gətirilməsi təsadüfi deyil. Bu barədə yazan “kavkazplus” saytı Paşinyanın hakimiyyətə gətirilməsi ilə bağlı maraqlı versiya irəli sürüb.

Paşinyanın adındakı hərflərin SİRRİ və ABŞ-ın Qarabağ üzərindən ŞOK PLANI: O, niyə hakimiyyətə gətirildi?

Türkiyə, İran, Yaxın Şərq

İlk “F-35” beşinci nəsil qırıcı-bombardmançı iyunun 21-də Türkiyəyə veriləcək. Bu haqda Türkiyənin Müdafiə Sənayesi Müşavirliyinin nümayəndəsi bildirib.

ABŞ Türkiyənin təhdidi qarşısında geri addım atdı: iyunun 21-də… - VİDEO

Lakin mayın 25-də ABŞ Konqresinin Nümayəndələr Palatası 2019-cu il maliyyə ilində Pentaqonun büdcəsi haqqında qanun layihəsini qəbul edib. Qanun layihəsi “S-400” zenit-raket komplekslərinin alınmasına dair xüsusi məruzə hazırlanmadan “F-35” qırıcılarının Türkiyəyə çatdırılmasını bəyənmək imkanından müdafiə nazirini məhrum edir.

Türkiyənin Xarici İşlər Nazirliyinin rəsmi nümayəndəsi Hami Aksoy bildirib ki, Vaşinqton “F-35” beşinci nəsil qırıcılarını Ankaraya çatdırmaqdan imtina edərsə, Türkiyə ABŞ-a qarşı cavab addımları atacaq.

Türkiyə ABŞ-dan 100 ədəd “F-35” qırıcısını almağı planlaşdırırdı. Amerika qanunvericiləri tərəfindən təklif edilən təşəbbüs bu müqavilənin icrasına ciddi mane ola bilər.

ABŞ Türkiyəyə Rusiyadan almağı planlaşdırdığı “S-400” zenit-raket komplekslərinin alternativlərini təklif edir. Bu haqda ABŞ-ın dövlət katibi Mayk Pompeo Senatda keçirilən dinləmələrdə bildirib.

“Bu silahları almayın, əks halda…!” – ABŞ-dan Ankaraya TƏHDİD

İslam Əməkdaşlıq Təşkilatı mayın 14-də Qəzza zolağında 66 nəfərin öldüyü hadisəni araşdırmaq məqsədilə komitə qurub.

İslam dünyası HƏRƏKƏTƏ KEÇDİ - İsrail Beynəlxalq Cinayət Məhkəməsinin qapısında

ABŞ səfirliyini Təl-Əvivdən Qüdsə köçürən ABŞ prezidenti Donald Tramp paytaxtl Əbu Dis olmaqla məhdud ərazidə Fələstin dövlətinin qurulmasnı nəzərdə tutan sülh planını Ramazan bayramından sonra, iyunun ortalarında açıqlayacaq. İsrailin kəşfiyyat təşkilatı MOSSAD-a yaxınlığı ilə tanınan “Debka” xəbər saytı isə Trampın planının detallarını açıqlayıb.

Trampın ŞOK Fələstin PLANI – MOSSAD detalları AÇIQLADI

Fələstin mayın 14-də Qəzza zolağında baş verən hadisələr və bölgədə İsrailin qanunsuz tikililəri ilə bağlı Haaqa Beynəlxalq Cinayət Məhkəməsinə şikayət ünvanlayıb. Bu barədə Fələstinin Xarici İşlər naziri Riyad Maliki bildirib.

Xatırladaq ki, Qəzza zolağında baş verən qarşıdurmalar zamanı mayın 14-də 61 fələstinli öldürülmüş, 2700-dən çoxu yaralanmışdı.

“Fələstinin müraciəti hüquqi cəhətdən etibarsızdır. Beynəlxalq Cinayət Məhkəməsi isə İsrail-Fələstin məsələsinə hüquqi baxımdan münasibət bildirmək səlahiyyətinə malik deyil. Çünki İsrail bu Məhkəmənin üzvü deyil, Fələstin milli administrasiyası isə dövlət deyil”, - İsrail Xarici İşlər Nazirliyi Fələstinin bu hərəkətinə cavab verib.

Mayın 14-də ABŞ-ın Təl-Əvivdəki səfirliyinin Qüdsə köçürülməsi və 62 fələstinlinin İsrail hərbçiləri tərəfindən öldürülməsinə Ankaranın sərt reaksiya göstərməsi Türkiyə və İsrail arasında münasibətləri daha da gərginləşdirdi. İsrail Türkiyənin sərt reaksiyasına cavab olaraq erməni və kürd kartlarından istifadə etməyə qərar verib.

Erməni və kürd kartı ilə ŞOK PLAN - Türkiyədən bu bölgəni ayırmağa QƏRAR VERDİLƏR

İranın Xarici İşlər Nazirliyinin sözçüsü Kasım Bəhrami Rusiya prezidenti Vladimir Putinin Suriya lideri Bəşər Əsədlə son görüşündə səsləndirdiyi son bəyanatı şərh edib. O, heç kimin İranı nəyəsə məcbur etməsinin mümkün olmadığını bildirib.

“İran lazım olduğu qədər və Suriya dövləti istədiyi müddətdə yardımlarına davam edəcək”, - o deyib.

Xatırladaq ki, mayın 17-də Vladimir Putin Soçidə Bəşər Əsədlə görüşüb. Putin xarici qüvvələrin Suriyadan çıxarılmalı olduğunu deyib.

“Vaşinqton İranın nüvə proqramı üzrə Birgə hərtərəfli İş Planına riayət etməyə hazırlaşmır”. Bunu ABŞ-ın dövlət katibi Mayk Pompeo "Heritage Foundation"da ABŞ-ın İranla nüvə sazişindən çıxışından sonra proqram nitqi ilə çıxışında bildirib.

ABŞ-dan ölüm fərmanına bərabər 12 ŞƏRT - Vaşinqton strategiyanı ELAN ETDİ

ABŞ-ın İrana və bütün dünyaya nə etmələri lazım olduğunu söyləmək hüququ yoxdur. Bunu bazar ertəsi İran prezidenti Həsən Ruhani ölkənin professor heyəti və həkimləri qarşısında mühazirə ilə çıxışı zamanı deyib.

"Bu gün dünya Amerikanın müstəqil və suveren dövlətlərin adından onun yerinə qərar qəbul etməsi ilə artıq razılaşa bilmir. ABŞ hökuməti 15 il əvvələ – kiçik Corc Buşun 2003-cü il bəyanatları dövrünə qayıdıb. Lakin bu gün biz Amerikanın bütün dünyanın taleyini müəyyən etməsi və öz yanaşmasını dünyanın qəti olaraq rədd etdiyi güc yolu ilə qəbul etdirməsi ilə razılaşa bilmərik", - deyə İranın "Mehr" agentliyi onun sözlərini sitat gətirib.

İran prezidenti ABŞ-ın dövlət katibi Mayk Pompeoya müraciət edərək İran xalqının ABŞ-ın yalanlarından doyduğunu bildirib.

B planı yoxdur: ABŞ İranda istədiyi müharibə zəminini hazırlayır. Bu barədə “Əl-Cəzirə” kanalının siyasi ekspertlərlə hazırladığı analizdə deyilir. Ekspertlər hesab edirlər ki, İran üçün hazırlanan yeni strategiya Yaxın Şərqdə müharibə ehtimalını gücləndirir.

ABŞ Azərbaycan sərhədində müharibəyə hazırlaşır: 12 maddəlik YENİ STRATEGİYANIN HƏDƏFİ

ABŞ İrana hücum edəcəyi halda onu dəhşətli tale gözləyir. Bu barədə bəyanatı İran İslam İnqilabı Keşikçiləri Korpusu (SEPAH) yayıb.

Bəyanatda ABŞ-ı İraqın keçmiş lideri Səddam Hüseynin taleyini gözlədiyi bildirilib. Rəsmi Tehran ölkənin müdafiə qabiliyyətinin artırıldığını deyib.

ABŞ Nümayəndələr Palatasının 2019-cu il Milli Müdafiə Təqdimatı Qanununa etdiyi dəyişiklikdə İranla bağlı mühüm müddəa yer alıb. Nümayəndələr Palatası ABŞ prezidenti Donald Trampın Konqresin icazəsi olmadan İrana hərbi müdaxilə etməsinin qarşısını kəsib.

“İki partiyanın dəyişikliyi yekdilliklə qəbul etməsi Trampın İranla nüvə razılaşmasından çəkilməsi və getdikcə artan düşmənçiliyə güclü bir cavabdır. Bu gün Konqres hərbi gücdən istifadə etmə səlahiyyətlərini geri almaq üçün hərəkətə keçdi”, - Nümayəndələr Palatasının demokrat üzvü Keyth Ellison bildirib.

İran 2015-ci ildə imzalanan nüvə sazişi ilə əlaqədar qərarının bir neçə həftə ərzində verəcək. Bu haqda yüksək vəzifəli iranlı səlahiyyətli bildirib.

Daha əvvəl isə İranın ali dini lideri Əli Xamenei ABŞ-ın dövlət katibi Maykl Pompeonun İrana qarşı irəli sürdüyü 12 şərtə cavab olaraq öz şərtlərini açıqlayıb. Bunlar nüvə sazişindən çıxaraq BMT Təhlükəsizlik Şurasının 2231 saylı qərarını pozan ABŞ-a qarşı yeni bir qərarın qəbulu, İranın neft ixracı və Avropa bankları ilə əlaqələri mövzusunda zəmanətin verilməsidir. Xamenei Avropanın bu şərtləri yerinə yetirməyəcəyi halda, İranın nüvə fəaliyyətinə yenidən başlama haqqının olduğunu bildirib.

Xatırladaq ki, Mayk Pompeo mayın 21-də ABŞ-ın İran üzrə strategiyasını açıqlayıb və İrana qarşı 12 şərt irəli sürüb.

ABŞ-dan ölüm fərmanına bərabər 12 ŞƏRT - Vaşinqton strategiyanı ELAN ETDİ

İsrail İranla münasibətlərdə indiki gərginliyin hərbi münaqişəyə keçmə riskini görür. Bunu İsrailin ekologiya və Yerusəlim məsələləri üzrə naziri Zeyev Yelkin bildirib.

“Risk həmişə mövcuddur, çünki, İran açıq bildirir ki, onun hədəfi İsrail dövlətini məhv etməkdir”, - o deyib.

Onun sözlərinə görə, İran iqtisadi çətinliklərə baxmayaraq, Suriya ərazisində hərbi layihələrə, həmçinin Livanda “Hizbullah” qruplaşmasının silahlandırılmasına böyük vəsaitlər qoyur: “Bu gün “Hizbullah”ın əlində dünyanın ən böyük raket ordularından biri var. Və bu, dövlət deyil, terror təşkilatıdır. Bunların hamısı İranın pulu ilə hazırlanır. Biz onunla barışa bilmərik ki, Suriya ərazisində, sərhədlərimizin yaxınlığında yerləşdirilən İran raketləri vətəndaşlarımızın təhlükəsizliyini hədələsin. Biz buna imkan verməmək üçün hər şeyi edəcəyik”.

Nazir əlavə edib ki, İranın raket proqramı Rusiya və Avropanı hədələyir.

“İran bu gün ballistik raketləri hazırlayır. Söhbət o raketlərdən gedir ki, onlar yalnız Təl-Əviv deyil, həmçinin Avropada praktik olaraq istənilən nöqtəyə və Rusiyada bir çox nöqtəyə çata bilər.

İsrail Qüdsün bölünməsini mümkün hesab etmir, bu ideya reallıqdan uzaqdır. Bunu İsrailin ekologiya və Yerusəlim məsələləri üzrə nazir Zeyev Yelkin bildirib.

“Bunsuz heç bir sülh müqaviləsi olmayacaq” - Müsəlman dünyasını ŞOKA SALACAQ ŞƏRT

Mayın 9-da İsrailin Suriyada İrana aid hərbi obyektləri vurmasına, 23 Suriya və İran əsgərinin ölümünə səssiz qalan Rusiyadan əks həmlə gəldi. İsrailin kəşfiyyat təşkilatı MOSSAD-a yaxınlığı ilə tanınan DEBKA saytının iddiasına görə, Rusiya prezidenti Vladimir Putinin mayın 16-da Soçidə Baş qərargahın rəhbərliyinə verdiyi iki əhəmiyyətli təlimat həyata keçirilməyə başlanılıb.

İsrailin müdafiə xətti... - Putinin mayın 16-da verdiyi təlimatın ŞOK DETALLARI

ABŞ-ın Qüdsü İsrailin paytaxtı kimi tanımasından sonra Donald Trampın Qolan təpələri ilə bağlı da analoji addım atacağı haqda məlumatlar yayılıb. İsrailin kəşfiyyat xidmətinin (MOSSAD) rəhbəri İsrael Katz yaxın aylarda ABŞ-ın mübahisəli bölgə olan Qolan təpələrini İsrail torpağı kimi tanımasının reallaşa biləcəyini açıqlayıb.

ABŞ bu müsəlman torpaqlarını da İsrailə verir və... - MOSSAD dəhşətli PLANI AÇDI

Rusiya, ABŞ, Qərb-Rusiya münasibətləri

ABŞ Polşaya növbəti hərbi eşalonun göndərilməsi üçün Antverpen limanında zirehli texnikasını boşaldır. Bu addım “Atlantic Resolve” əməliyyatı çərçivəsində atılır.

Rusiyaya qarşı yeni “Barbarossa” PLANI – NATO ağır şoka HAZIRLAŞIR

Böyük Britaniyanın Rusiya Prezidenti Vladimir Putinə yaxın adamların öhdəsindən gəlmək üçün öz metodları var. Bu sözləri Böyük Britaniyanın Xarici İşlər naziri Boris Conson deyib.

Consonun sözlərinə görə, Britaniya Avropa İttifaqına üzv olduğu və bu qurumda qərarların digər üzvlərlə razılaşdırıldığı üçün qurumu tərk edənə qədər özünün sanksiya rejimini tətbiq edə bilməz. O qeyd edib ki, 2019-cu ilin martında AB-ni tərk etdikdən sonra isə Britaniyanın daha sərt mövqe nümayiş etdirmək imkanları yaranacaq.

Moskva və Vaşinqton arasında hərbi münaqişə halında JSTARS radar sistemi ilə təchiz edilmiş ən müasir Amerika təyyarələri olan “Northrop Grumman E-8” dünyada analoqu olmayan Rusiyanin “S-400” zenit-raket kompleksləri tərəfindən ilk gündə vurulacaq. Bu haqda “Newsweek” nəşrinin müxbiri Devid Brennan ABŞ-ın Hərbi Hava Qüvvələrinin başçısı Hizer Uilsonun Senatın hərbi-hava qüvvələri üzrə yarımkomitəsində çıxışına istinadən yazıb.

ABŞ müharibə başlamadan TƏSLİM OLDU: “Rusiya elə ilk gündə...” - ŞOK SSENARİ

Rusiyaya qarşı daha çox sanksiya tətbiq etmək barədə planlarımız var. Bu barədə ABŞ Dövlət katibi Mayk Pompeo danışıb.

“Mən bilirəm ki, sanksiyaların böyük əksəriyyəti CAATSA çərçivəsində həyata keçirilib və daha çoxu da onları izləyəcək”, - Pompeo bildirib.

O, məhz hansı sanksiyaların nəzərdə tutulduğunu açıqlamayıb.

Ukrayna

Ukraynanın silahlı qüvvələri mayın 22-də Donetsk vilayətinin Qorlovka rayonu ərazisində “Donetsk Xalq Respublikası” (“DXR”) separatçı rejimin döyüşçülərinin blok-postlarına hücüm edib. Bu haqda Donbasdakı Birləşmiş güclərin əməliyyat qərargahındakı mənbəyə istinadən “Strana.UA” portal bildirib.

“Qorlovka Debaltsevo və Yenakievoya hücum üçün strateji müharibə meydanıdır. Beləliklə, Donetsk ətrafında ilmə daralır”, - mənbə deyib.

Təmas xəttində hündürlüklər üçün ŞİDDƏTLİ DÖYÜŞLƏR gedir

“ABŞ çətin ki, Rusiya tərəfindən genişmiqyaslı müdaxilə halında Ukraynanın ərazisinə öz bölmələrini göndərsin, amma bundan daha əhəmiyyəti kömək göstərə bilər”. Bunu “ObozTV”nin efirində “Müharibənin hədləri” proqramında ABŞ-ın Hərbi-Dəniz Qüvvələrinin birinci dərəcəli kapitanı Harri Tabax bildirib.

III Dünya müharibəsi... - Pentaqonun Rusiyanı iflic edəcək planı ORTAYA ÇIXDI - VİDEO

2014-cü ilin 7 iyul tarixində Amsterdam-Kula Lumpur xətti üzrə uçan Malaziya Hava yollarına aid MH17 sərnişin təyyarəsinin Ukrayna üzərində vurulması ilə bağlı araşdırmanın nəticələri açıqlanıb. Beynəlxalq Cinayətlərin Araşdırılması Qrupu təyyarəni vuran raketin Rusiya Silahlı Qüvvələrinə aid olduğunu bildirib.

Qeyd edək ki, təyyarə qəzası nəticəsində 298 insan (283 sərnişin və 15 ekipaj üzvü) həyatını itirmişdi.

Niderland və Avstraliya 2014-cü ilin 7 iyul tarixində Amsterdam-Kula Lumpur xətti üzrə uçan Malaziya Hava yollarına aid MH17 sərnişin təyyarəsinin Ukrayna üzərində vurulmasında Rusiyanı ittiham edib.

Niderland hökumətindən bildiriblər ki, Rusiya təyyarə qəzasında günahkardır.

“Növbəti addım…” - Rusiya üçün QORXUNC TƏHLÜKƏ

Koreya böhranı

“Pxenyan nüvə silahından imtina etməsə, Koreya Xalq Demokratik Respublikasında Müəmmər Qəddafinin devrilməsi ilə nəticələnən Liviyadakı hadisələrin bənzəri baş verəcək”. Bu haqda ABŞ-ın vitse-prezidenti Maykl Pens bazar ertəsi “Fox News” telekanalına müsahibəsində bildirib.

“Kim Çen In üçün böyük səhv düşüncədir ki, o, Donald Trampla oynaya bilər”, - iyunun 12-də Sinqapurda planlaşdırılan ABŞ-Şimali Koreya sammitinin ləğvi ehtimalı haqqında danışan Pens vurğulayb.

Bu dövlət başçısı Qəddafi kimi öldürüləcək – ABŞ SON KARTINI açdı

Şimali Koreyanın Pxunqeri nüvə poliqonunun sökülməsi başa çatıb. Poliqonda yerləşən və işlək vəziyyətdə olan 3 şaxta yerüstü qurğuları ilə birlikdə partladılıb.

Bununla da poliqonun fəaliyyəti dayandırılıb.

Qeyd edək ki, Şimali Koreya lideri Kim Çen In Cənubi Koreya Prezidenti Mun Çje İnla aprelin sonunda keçirilən görüşündə Pxunqeri nüvə sınağı poliqonunun bağlanacağını bildirmişdi. ABŞ və Rusiya isə bu qərarı alqışlamışdı.

ABŞ prezidenti Donald Tramp Şimali Koreya lideri Kim Çen In ilə keçirilməsi planlaşdırılan görüşünü ləğv edib. Bu barədə ABŞ prezidenti Şimali Koreya liderinə yazdığı məktubunda bildirib.

Donald Tramp məktubunda hazırkı şəraitdə görüşün reallaşmasının uyğun olmadığını vurğulayaraq bu səbəbdən təxirə saldığını qeyd edib.

ABŞ Koreya Xalq Demokratik Respublikasına (KXDR) qarşı yeni sanksiyalar hazırlayıb. Bu haqda Senatın beynəlxalq komitəsində ABŞ-ın dövlət katibi Mayk Pompeo bildirib.

“Mən əminəm ki, əlavə sanksiyalar olacaq. Biz sanksiyaların tətbiqini başqa ölkələrdən də xahiş edəcəyik”, - Pompeo deyib.

ABŞ-ın Müdafiə Nazirliyi (Pentaqon) isə bəyan edib ki, KXDR-yə maksimal hərbi təzyiqi göstərməyə davam edəcəklər.

Sülhə ümid bitir – ABŞ müharibəyə hazırlaşdığını ELAN ETDİ

ABŞ prezident administrasiyası artıq növbəti həftənin əvvəlində Koreya Xalq Demokratik Respublikasına (KXDR) qarşı yeni sanksiyaların tətbiqi imkanına baxır. Bu haqda Ağ Evdəki mənbəyə istinadən “Wall Street Journal” yazıb.

Nəşr qeyd edir ki, sanksiyaların tətbiqi imkanı Milli Təhlükəsizlik Şurasının mayın 24-də keçirilən iclasında müzakirə edilib. Bildirilir ki, onlarla yeni sanksiyadan söhbət gedir. İclasda həmçinin hərbi müdaxilə haqqında məsələyə baxılıb.

Bu toplantıda III DÜNYA MÜHARİBƏSİNİ başladacaq hücum planı müzakirə edildi – DETALLAR

Rəsmi Pxenyan ABŞ-la danışıqların aparılmasında hələ də maraqlıdır. KXDR-in xarici işlər nazirinin müavini Kim Ke Qvan bu haqda bəyanat verərək bildirib ki, ABŞ prezidenti Donald Trampın sammitin ləğv edilməsinə dair qərarı beynəlxalq ictimaiyyətin istəyinə ziddir.

O, KXDR-in bu danışıqlara başlamasında maraqlı olduğunu qeyd edib.

“Bütün bəyanatlarından sonra ABŞ prezidenti Donald Trampa müharibdə kiçik qələbə lazımdır”. Bunu Koreya Xalq Demokratik Respublikasına (KXDR) qarşı ABŞ-ın sanksiyalarının mümkün gücləndirilməsini şərh edən Rusiyanın Dövlət Dumasının müdafiə məsələləri üzrə komitəsinin sədr müavini Aleksandr Şerin “Russia Today” telekanalına açıqlamasında bildirib.

“Bunun üçün ən uğurlu dövlətlər ciddi insan və iqtisadi potensiala malik olmayan ölkələrdir. Bu baxımdan, Şimali Koreya Amerikanın hərbi maşınının gücünü nümayiş etdirmək üçün rahat variantdır. Bütün dünyanı qorxu altında saxlamağa davam etmək üçün ABŞ-ın hər bir prezidentinin tərcümeyi-halında məğlub edilmiş ölkə olmalıdır”, - o deyib.

Şerinin sözlərinə görə, ABŞ-la razılaşma indiki siyasi vəziyyətdə heç bir dəyərə malik deyil:

Hər bir ABŞ prezidentinin tərcümeyi halında bu olmalıdır – DƏHŞƏTLİ İDDİA

Ömər Dağlı