Metbuat.az Ayşən Süleymanlının şeirlərini təqdim edir.
***
Hər ötən gün dövrə vurur saatımın əqrəbləri
Cismim yatır, ruhum durur,
Sancır saat əqrəbləri.
Ömür bitir, zaman keçir
Məni yıxır, məni sıxır
Bu günləri xatırlamaq...
Keçmişimdə, dünənimdə,
Qırış olan bədənimdə
Gəncliyimin izlərini daşıyıram bu günümdə
Sancır saat əqrəbləri.
Dünən gənc idim, bu gün qoca
Ondan öncə lap balaca
Dırmanardım hər ağaca,
Düşünməzdim onu-bunu,
Qurtarmamış bir oyunu
Sancır saat əqrəbləri.
Səhəri də, gecəsi də qaranlıqdır günlərimin
Dilimdəki hecası da yarımçıqdır sözlərimin
Bu gun gəlsə neçəsi də,
Taqəti yox dizlərimin
Sancır saat əqrəbləri.
Ac uşağı xatırladır içimdəki fəryad səsi
Mən süd üçün ağlamıram,
Çağırıram hər kəsi
Qəlbə dərdi dağlamıram
Ìstəmirəm heç bir kəsi
Dünən üçün ağlayıram
Sancır saat əqrəbləri.
Atam nazım çəksin yenə,
Ötüb keçən dünənimdə.
Gələcəkdən mənə demə
Nəm və yaşıl çəmənlərdə oynamaq istəyirəm
Sizdən dünən istəyirəm
Sancır saat əqrəbləri.
Vefa yarı itim oldu, ötüb keçən dünənimdə.
Yağı düşmən insan oldu
Dünənimdə, bu günümdə
Xoşbəxt günlər ötüb getdi.
Zəhərləyir al qanımı
Sancır saat əqrəbləri.
Sizin üçün nigaranam
Ömrü alan zaman üçün.
Vaxtsız-günsüz yaralanan,
O saf-təmiz qəlblər üçün,
O saf-təmiz vicdan üçün!
Divarlarda... Masanızda.. Qolunuzda
Bəsləyirsiz!
Nigaranam sizin üçün,
Sancır saat əqrəbləri.
Sancır saat əqrəbləri.
***
Evimin qapısı bir az aralı,
Axşam çoxdan düşüb, hava qaralır
Evimdə qar yağır, həyətdə yağış.
Sən sevən naz-nemət süfrəm doludur.
Çayım da dəm alar, sənim gələnə,
Deyirəm... divanda səni düşünüb.
Yuxum qonaq gəldi, məni apardı.
Evə qayıtmışam, gecəni keçir
Pişiklər süfrədə yeməyi eşir...
Susuram... dinmirəm... danışmıram
Pişiyin işinə qarışmıram
Ürəyim aclıqdan ölür deyəsən,
Pişiklər toxluqdan gülür deyəsən.
Çaynikim qaynayıb, suyunu çəkib,
Evim də ömrüm tək yanır deyəsən..
Eybi yoxdur, sənim yubanır deyəsən.