Son nəfəsini verərkən ətrafındakıların yorğun baxışlarını ətrafında hiss edirdi. Soyuq baxışlarında bir ümid işığı vardı. Sanki anlayırdı ki, nə olsa da o, heç vaxt ölməyəcək, davamçıları onun həm də daşıyıcıları olacaqlar. Ətrafında 5 kölgə dayanmışdı, qaranlıq simalarda duyğular da fərqli idi. Son nəfəsini verərkən dedi:
“Məni dinləyənlər, bilirəm ki, aranızda təkcə üzülənlər yoxdur, həm də sevinənlər var. Ölməyim kimlər üçünsə şansdır. Mənim haqqımda yaradılış var olandan bu yana müxtəlif miflər dolaşdı, fikirlər oldu və bu gün də mənim yaşımı insanlığın var olduğu günlə eyni dövrdə görürlər. Vicdan fəlsəfənin meydana çıxmasından bu yana bir çox filosofları onu müəyyən etməyə və etik və antropoloji baxımdan araşdıraraq arqumentlər ortaya qoymağa vadar edən mühüm sosial anlayışdır. Bir çox lüğətlər, xüsusən də fəlsəfə lüğətləri vicdanın nə olduğuna dair oxşar təriflər verməyə çalışıblar. Amma məni nə qədər ifadə ediblər, bunu deməyə çətinlik çəkirəm. Vicdan insan davranışını istiqamətləndirən, fəlsəfi antropologiyanın və etikanın mərkəzində dayanan unikal anlayışdır.