Türkiyənin Rusiyadan S-400 Hava Hücumundan Müdafiə
Sistemlərini alması üzvü olduğu NATO-da və ABŞ-da narazılıqla
qarşılanır. ABŞ-NATO Ankaranı bu istəkdən vaz keçirmək üçün
müxtəlif şantaj və şirnikləndirici addımlar atırlar. NATO-nun
Avropa Müttəfiq Qüvvələrinin hərbi hava bölməsinin komandanı Tod
Voltersin “S-400-lər NATO-nun radardan qaça bilən F-35 raketlərinin
necə işlədiyini ortaya çıxara bilər” açıqlamasın son günlər daha
çox müzakirə olunur. Qərb Türkiyənin həm F-35, həm də S-400-lərə
sahib olmasından da narahatdır.
Publika.az xəbər verir ki, türkiyəli araşdırmaçı Hakan
Kılıç məsələ ilə bağlı maraqlı açıqlama verib.
H.Kılıç NATO generalının açıqlamasının hərbi yox, siyasi olduğuna
diqqət çəkib.
“Məsələ F-35-lərin sirlərinin ortaya çıxmasıdırsa, bu müəmmalıdır.
Çünki İsrailin F-35-ləri var və onlar bu raketlərlə zaman-zaman
Suriyada əməliyyat keçirirlər. Rusiyanın Suriyada S-400-ləri var, o
zaman nə üçün İsrailin təyyarələri radara düşməyib? Diqqətdən qaçan
məqam radar izi deyilən məsələdir. F-35 radara nə qədər düşür, nə
dərəcədə iz buraxır? Sirr deyilən məsələ budur. S-400-lərin 400-600
kilometr radar mənzili var. Bir F-35 100 kilometrə qədər
yaxınlaşanda S-400-ün radar böyüklüyünün nə qədər olacağı
önəmlidir. Digər tərəfdən, F-35-lərin bir çox sirri çinlilər
tərəfindən ortaya çıxarılıb. Yəni indi hansısa sirdən danışmaq
mənasızdır”, - deyə türkiyəli araşdırmaçı qeyd edib.
Asif
