Tanınmış simalar

Qəhrəmanov Abbas Əhməd oğlu 1981-ci ildə Azərbaycan Dövlət İncəsənət İnstitutunun "Dram və Kino Aktyoru" fakültəsini bitirmişdir. 1991-ci ildən Akademik Milli Dram Teatrında çalışan aktyor, bu sənət ocağında Mərvan, Qoşqar (Bəxtiyar Vahabzadə "Fəryad", "Cəzasız Günah"), Rasim (K.Kərimov "Cahargah Fantaziyası"), Çinar (Q.Rəsulov "Qarabağ Əfsanəsi"), Aparıcı ("Məlik Məmməd"), Rasim (Şıxəli Qurbanov "Əcəb İşə düşdük"), Ər (R. "Müəmmalı Bir Qətlin Üç Versiyası"), Məmmədxan (İlyas Əfəndiyev "Hökmdar və Qızı"), İsgəndərzadə (Elçin "Ah Paris…Paris…"), Şöhli Məlik (Nəbi Xəzri "Burlaxatun"), Sahil (Əli Əmirli "Köhnə ev"), Aparıcı ("Şıltaq Şahzadənin Nağılı"), Andronik (Ramiz Novruz "Hələ "Sevirəm" Deməmişdilər"), Durmişxan (O.İoseliani "Kaş Araba Aşmayaydı") və s. tamaşalarda rəngarəng rollar oynamışdır.

Aktyor bir sıra televiziya tamaşalarında da çəkilmişdir. Bunlardan "Nişan Üzüyü"ndə Şahin, "Mənim Günahım"da Xansu, "6 №-li palata"da Ragin, "Yurd Yeri"ndə 3-cü qardaş, "Dədəm Qorqudun Kitabı"nda Boğacxan, "Hədiyyə"də Rasim tamaşalarındakı rolarını qeyd etmək olar.