Bakı, 23 aprel, AZƏRTAC
Aprelin 24-də Azərbaycan Milli Elmlər Akademiyasında (AMEA) Azərbaycanda 2014-cü ildə aparılan arxeoloji və etnoqrafik tədqiqatların yekunlarına həsr olunan konfrans keçiriləcək.
AZƏRTAC xəbər verir ki, konfransda AMEA-nın Arxeologiya və Etnoqrafiya İnstitutunun direktoru, professor Maisə Rəhimova rəhbərlik etdiyi elm müəssisəsinin ötən il gördüyü işlərə dair hesabatı təqdim edəcək.
Sonra konfrans işini “Arxeologiya” və “Etnoqrafiya” bölmələrində davam etdirəcək. Bölmə iclaslarda alimlərin 50-dən çox elmi məruzəsi dinləniləcək, müzakirələr aparılacaq.