2018-ci ilin yanvar-avqust ayları ərzində Azərbaycanda informasiya və rabitə müəssisələri 1 milyard 188,4 milyon manatlıq xidmət göstərib ki, onun da 72,4 faizi əhali tərəfindən istehlak olunub.
Dövlət Statistika Komitəsindən Metbuat.az-a verilən məlumata görə, 2017-ci ilin eyni dövrü ilə müqayisədə informasiya və rabitə xidmətlərinin dəyəri real ifadədə 7,6 faiz artıb, bu sahədə əldə edilmiş gəlirin 81,5 faizi qeyri-dövlət sektorunun payına düşüb.
Xidmətlərdən əldə edilən gəlirin 48,3 faizi və ya 574,0 milyon manatı mobil telefon rabitəsi sahəsində formalaşıb.
