Moskva. Fərid Əkbərov - APA. “Rusiya mayın 21-22-də Riqada keçiriləcək “Şərq Tərəfdaşlığı” sammitinə mənfi yanaşır”.
APA-nın Moskva müxbirinin məlumatına görə, bu barədə Rusiya Xarici İşlər Nazirliyinin xüsusi nümayəndəsi Aleksandr Lukaşeviç bu gün keçirdiyi brifinqdə bildirib.
“Biz Riqada sammitinin necə keçəcəyini izləyəcəyik. Məlumdur ki, bizim reaksiyamız olduqca sərt və prinsipial olacaq. Çünki bu tərəfdaşlığın hansı istiqamətə yönəldiyini və Avropa İttifaqı tərəfindən bu proqram iştirakçılarının mövqeyinin hansı çalarlar aldığını görürük. Bu tərəfdaşlıq açıq-aydın anti-Rusiya istiqamətlidir. Sammitin yekunlarını gözləyək", - deyə Rusiya XİN xüsusi nümayəndəsi qeyd edib.