Azərbaycan, Bakı, 24 aprel /Trend, müxbir Maksim Tsurkov/
Bakıda SOCAR (Azərbaycan Respublikası Dövlət Neft Şirkəti) brendi altında ilk qazdoldurma stansiyası istismara verilib. Bunu Trend-ə SOCAR-dakı mənbə deyib.
Qazdoldurma stansiyası yeni avtobus deposunda yerləşir.
Mənbə qeyd edib ki, bu qazdoldurma stansiyası Bakıda I Avropa Oyunlarının keçirilməsi zamanı istifadə ediləcək avtobusların sıxılmış təbii qazla (CNG) təmin edilməsi üçün nəzərdə tutulub: "Gələcəkdə qazdoldurma stansiyalarının tikintisinin davam etdirilməsi mümkündür".
O, əlavə edib ki, hazırda Bakıda SOCAR brendi altında iki qazdoldurma stansiyası tikilir.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
