İtaliyanın Ankona şəhərində klubların birində baş vermiş izdiham 6 nəfərin ölümünə səbəb olub.

Metbuat.az-ın Trend-ə istinadən məlumatına görə, hadisə rep konserti zamanı baş verib.

İzdiham nəticəsində 100-dən çox şəxs xəsarət alıb. Onlardan 12 nəfərinin vəziyyəti ağırdır.

Qeyd olunur ki, konsert zamanı kiminsə gözyaşardıcı qaz sıxması panikaya səbəb olub.

Həlak olanlardan 5 nəfəri yeniyetmə olub. Bildirilir ki, konsert zamanı klubda təxminən min nəfər olub.