Yeni müharibə MEYDANI, düşməni darmadağın edəcək PLAN... – HƏFTƏNİN SİYASİ XÜLASƏSİ

Aleksandr Lukaşenko Stanislav Zasın KTMT-nin baş katibi postuna təyinatı haqqında qərar layihəsini imzalayıb. Türkiyə Silahlı Qüvvələri və Azad Suriya Ordusunun Fərat çayının şərqində yerləşən terror birliklərinə qarşı keçirəcəyi hərbi hərəkatın planı artıq hazırdır. ABŞ Türkiyəyə “Patriot” havadan və raket müdafiə sistemi satmağa razılıq verib. Pentaqonun rəhbəri Ceyms Mettis gələn ilin fevral ayının sonunda istefaya gedəcək. Vladimir Putin ABŞ-ın Orta və kiçik mənzilli raketlərin məhv edilməsi haqqında Müqavilədən çıxışını beynəlxalq təhlükəsizlik üçün ən ağır nəticələrə səbəb olacağını bildirib. KXDR ABŞ-ın siyasəti ilə əlaqədar denuklearizasiyadan imtina variantına baxır. Ukrayna Ali Radasın deputatı Vitali Kupriy Rusiyaya müharibə elan etmək xahişiylə prezident Pyotr Poroşenkoya müraciətin layihəsini parlamentə təqdim edib.

Azərbaycan, Dağlıq Qarabağ

Güclü hərbi potensialımız Ermənistan-Azərbaycan Dağlıq Qarabağ münaqişəsinin həlli üçün əsas amildir. Bunu Sabunçu rayonunda hərbçilərə yeni mənzillərin verilməsi mərasimində iştirak edən Azərbaycan Prezidenti, Silahlı Qüvvələrin Ali Baş Komandanı İlham Əliyev hərbçilər və onların ailə üzvləri ilə görüşündə deyib.

İlham Əliyevdən Ermənistana SƏRT MESAJ: Ordumuz istənilən vəzifəni icra etməyə hazırdır

Ekspertlər Dağlıq Qarabağ münaqişəsinin nizamlanması üçün kreativ ideyaların hazırlanması ilə məşğuldur. Bunu “Vestnik Kavkaza”nın müxbirinin Rusiyanın xarici işlər naziri Sergey Lavrovun Bakıya səfəri zamanı dediyi “Nizamlanma üçün əsas formalaşdıracaq kreativ ideyalar tapmağa çalışacağıq” sözləri ilə bağlı sualına cavab verərkən Rusiya XİN-in rəsmi nümayəndəsi Mariya Zaxarova deyib.

O bildirib: “Məsələ də ondadır ki, gələcəkdən söhbət gedirdi, yəni bu cür ideyalar hazırlanmallı və kreativ olmalıdır. Məhz bu cür kreativ ideyalar dəstəklənəcək. İndi ekspertlər bunun üzərində işləyir”.

“Azərbaycan cəbhədə yeni qüvvələr toplayır və zamanı gələndə bundan Qarabağda istifadə edəcək”. Bu iddia ilə erməni ekspert Taron Ovannisyan çıxış edib.

Onun sözlərinə görə, Bakı Ermənistanın yeni hakimiyyətinə “aprel müharibəsi” mesajı verir.

“Azərbaycan bildirir ki, Serj Sarkisyan “aprel müharibəsi”ndə məğlubiyyətə görə hakimiyyətini itirdi. Əgər yeni hakimiyyət münaqişənin nizama salınması təklifi ilə razılaşmasa, “aprel müharibəsi” təkrarlanacaq. Bəzi postların Azərbaycan sərhəd qoşunlarına verilməsi yeni hazırlıqdan xəbər verir”, - deyə o bildirib.

Azərbaycan Prezidentinin əmri ilə Ermənistanla sərhədin Qazax və Ağstafa istiqamətlərində bəzi postların sərhəd qoşunlarının xüsusi bölmələrinə verilməsi İrəvanda ciddi narahatlıq yaradıb. Bununla bağlı danışan Qarabağ müharibəsində I kəşfiyyat-diversiya dəstəsinin komandiri olmuş Vova Vartanov hazırda Azərbaycan tərəfinin aktivliyinin müşahidə olunduğunu deyib.

Erməni kəşfiyyatçıdan ŞOK AÇIQLAMA: Azərbaycan Qarabağa yeni ORDU GÖNDƏRİR

Azərbaycanın Qazax və Ağstafa istiqamətlərində bəzi postlara sərhəd qoşunlarını yerləşdirməsi Ermənistanda “Bakı nəyə hazırlaşır?” kimi təşviş dolu suallar yaradıb. Erməni şərhçi Aram Amatuni Bakının yeni plan hazırladığını iddia edib.

Ordumuzun cəbhədəki bu həmləsi İrəvanı SİLKƏLƏDİ - Düşmən TƏŞVİŞ İÇİNDƏ

Azərbaycan Ordusunun Naxçıvan istiqamətində 11000 hektar ərazini işğaldan aza etməsi ilə bağlı məsələ Ermənistanda yenidən gündəmə gəlib. Ermənistan Respublika Partiyasının mətbuat xidməti Eduard Şarmazanov Nikol Paşinyan hakimiyyətini bu məsələyə görə ittiham edib.

Paşinyan Qarabağ məsələsində razılaşıb - Şarmazanovdan SENSASİYALI ETİRAF

“ABŞ-ın qoşunlarını Suriyadan çıxarması və Türkiyənin regionda aktivləşməsi Dağlıq Qarabağ məsələsinə təsir edə bilər”. Bu barədə erməni türkoloq Ruben Safrastyan deyib.

Onun sözlərinə görə, Azərbaycan regionda güclənən Türkiyənin dəstəyindən istifadə edərək, Qarabağda status-kvonu dəyişdirmək istiqamətində hərəkətə keçə bilər.

“Ümid edirəm ki, bu olmayacaq və Minsk qrupu çərçivəsində sülh danışıqları davam edəcək”, - deyə o bildirib.

Ermənistan

Ermənistan və Rusiya yeni əməkdaşlıq müqaviləsi hazırlayır. Bunu Rusiya Xarici İşlər naziri Sergey Lavrov Ermənistanda ABŞ biolaboratoriyalarının mövcudluğuna qarşı mübarizə ilə bağlı məsələyə cavabında deyib. O, yeni sənədin Ermənistanda xarici ölkələrin hərbçilərinin mövcudluğunu qadağan etməsinə zəmanət verəcəyini bildirib.

Lavrov həmçinin Rusiyanın MDB ölkələrində diplomatlarının sayının ABŞ-dan daha az olduğunu söyləyib.

O, Rusiyanın ABŞ kimi marionet təşkilatlar yarada bilmədiyini vurğulayıb.

Rusiyanın xarici işlər naziri Sergey Lavrov “Komsomolskaya Pravda” radiosunun efirində Gürcüstanda ABŞ-ın hərəkətlərini şərh edib. Lavrovun sözlərinə görə, ən ciddi problem respublika ərazisində olan Amerika biolaboratoriyasıdır.

Lavrov Gürcüstanda Rusiyaya qarşı hazırlandığı deyilən 9 piyada batalyonunun ölkəsi üçün təhlükə olmadığını bildirib.

“Burada ən ciddi təhlükə biolaboratoriyadır. Əminəm ki, ABŞ bu batalyonlarla heç yerə soxulmayacaq. Onlar anlayırlar ki, bizim Abxaziya və Cənubi Osetiya ilə ittifaq münasibətlərimiz var, biz müttəfiqlərimizə hücum etməyə imkan verməyəcəyik. Biolaboratoriyalar yalnız Gürcüstanda deyil, həm də Ermənistan, Qazaxıstan və Özbəkistanda var”, - o deyib.

Paşinyan gələn həftə Rusiyaya gedəcək. Bunu jurnalistlər üçün keçirdiyi mətbuat konfransında Rusiya Prezidenti Vladimir Putin deyib.

“Biz münasibətlərin inkişafını yaxın zamanlarda Paşinyanla müzakirə edəcəyik. O, gələn həftə Rusiyaya səfər etməlidir”, – deyə o bildirib.

Belarus prezidenti Aleksandr Lukaşenko Təhlükəsizlik Şurasının dövlət katibi Stanislav Zasın Kollektiv Təhlükəsizlik Müqaviləsi Təşkilatının (KTMT) baş katibi postuna təyinatı haqqında qərar layihəsini imzalayıb. Bu haqda Belarus prezidentinin saytında bildirilir.

Lukaşenkodan Paşinyana ŞOK ZƏRBƏ: Minsk 4 ölkə ilə razılaşdı

Türkiyə, İran, Yaxın Şərq

ABŞ prezidenti Donald Tramp Türkiyə Silahlı Qüvvələrinin Suriyada Fərat çayının şərqində əməliyyat keçirməsinə razılıq verdi. Bu haqda Türkiyə prezidenti Rəcəb Tayyib Ərdoğan bildirib.

Tramp Türkiyənin əməliyyata başlamasına razılıq verdi – SON DƏQİQƏ

ABŞ prezidenti Donald Tramp Türkiyə Silahlı Qüvvələrinin Fərat çayının şərqində terrorçulara qarşı hərbi əməliyyat keçirməsinə razılıq verməyib. Bunu ABŞ Xarici İşlər Nazirliyinin mətbuat katibi Robert Palladino deyib.

Türkiyə Silahlı Qüvvələri və Azad Suriya Ordusunun Fərat çayının şərqində yerləşən terror birliklərinə qarşı keçirəcəyi hərbi hərəkatın planı artıq hazırdır. “Mehmetçik” hərəkətə keçmək üçün əmr gözləyir.

24 min əsgər eyni anda HƏRƏKƏTƏ KEÇƏCƏK - Düşməni darmadağın edəcək PLAN ÜZƏ ÇIXDI

ABŞ Türkiyəyə “Patriot” havadan və raket müdafiə sistemi satmağa razılıq verib. ABŞ Xarici İşlər Nazirliyi 3,5 milyard dollar dəyərində havadan və raket müdafiə sisteminin Türkiyəyə satılmasını təsdiq edib. Bu barədə ABŞ Müdafiə Nazirliyinin (Pentaqon) nəzdindəki Müdafiə-Təhlükəsizlik Əməkdaşlığı Agentliyi yazılı açıqlama yayıb.

Açıqlamada 80 “MIM-104E” Patriot raketi, 60 yüksək qabiliyyətli “Patriot-3” (PAC-3) və təlimli komandanın Türkiyəyə göndərilməsinin qərara alındığı yazılıb. Sözügedən müdafiə sisteminə 4 ədəd “AN/MQP-65” radar dəsti, 4 ədəd kilidlənmə nəzarət sistemi, 20 ədəd “M903” raketatar stansiyası və s. daxildir.

Rusiyanın Türkiyəyə S-400 zenit-raket sistemləri çatdırması ilə Türkiyəyə “Patriot” havadan və raket müdafiə sistemlərinin mümknü satışı arasında bağlılıq yoxdur. Bu haqda Kremlin sözçüsü Dmitri Peskov bildirib.

“Bunlar bir-birilə bağlı proseslər deyil. İndiki halda bizim türk həmkarlarımızla əldə etdiyimiz müqavilə reallaşdırma mərhələsindədir”, - Peskov deyib.

Türkiyə ABŞ ekspertlərinə Ankaranın onu almasından sonra Rusiyanın S-400 kompleksini tədqiq etməyi təklif edib. Bu məlumatı “Blomberq” agentliyi yayıb. Məlumata görə, Ankara bunun sayəsində S-400 alışı ucbatından ABŞ-la yaranmış konflikti yoluna qoymağa cəhd edib.

Qeyd edək ki, ABŞ hökuməti Türkiyəyə “Patriot” sistemlərinin satışına izn verib. Satış razılığını Senatın təsdiqləməsi lazımdır.

Dekabrın 20-də Türkiyə prezidenti Rəcəb Tayyib Ərdoğanla İran lideri Həsən Ruhani arasında Ankarada görüş keçirilib.

Ərdoğan və Ruhani RAZILAŞDI: ABŞ-ın... - YENİLƏNDİ (FOTO)

Yunanıstan Müdafiə Nazirliyinin baş qərargan rəisi Evangelos Apostolakis Türkiyə haqqında təhdid xarakterli açıqlamalar verib. General Türkiyə ordusunu yerlə-yeksan edəcəklərini deyib.

“Yunan Silahlı Qüvvələri bölgədəki sülh və sabitliyi qorumaq vəzifəsini daşıyır. Türklər qayalıqlarımıza çıxarsa, onları yerlə-yeksan edərik. Hökumətimiz də bizimlə eyni fikirdədir”,- baş qərargah rəisi bildirib.

Suriyada bir çox hərbi bazaya malik olan ABŞ bütün qoşunlarını Suriyadan çıxarmağı düşünür. Bu haqda “Röyters” agentliyi amerikalı səlahiyyətlilərə istinadən bildirib. Agentlik Suriyanın İŞİD terror təşkilatından təmizlənmək üzrə olduğunu qeyd edib.

ABŞ Prezidenti Donald Tramp ABŞ qoşunlarının Suriyadan tamamilə çıxarılması barədə göstəriş verib. Donald Tramp özünün “Twitter” səhifəsində İŞİD qruplaşmasının məğlub edildiyini və qoşunların Suriyada mövcudluğunun yeganə səbəbinin bu olduğunu yazıb.

ABŞ Müdafiə Nazirliyi Trampın onlara hərbi kontingenti Suriyadan geri çəkmək barədə əmr verdiyini təsdiqləyib.

Telekanal Suriyada iki minə yaxın amerikalı hərbçinin olduğunu qeyd edir.

“Deməli, Əfqanıstan artıq əsas hədəf olacaq. Əfqanıstan üzərindən Mərkəzi Asiyaya da təsir göstərmək istəyəcəklər”. Bunu ABŞ qoşunlarının Suriyadan çıxarılması ilə bağlı Vaşinqtonun qərarını şərh edən Rusiya Federasiya Şurasının müdafiə və təhlükəsizlik komitəsinin sədr müavini Frans Klinseviç bildirib.

O həmçinin, Suriyadakı çoxlu sayda döyüşçünün ABŞ tərəfindən Əfqanıstana aparıldığını söyləyib.

ABŞ-ın Suriya qərarının arxasındakı DƏHŞƏTLİ PLAN ÜZƏ ÇIXDI: yeni müharibə meydanı və Azərbaycan…

ABŞ prezidenti Donald Trampın Amerika qoşunlarının Suriyadan çıxardılması haqqında qərarı qəbul etməsinə Türkiyə Prezidenti Rəcəb Tayyib Ərdoğanın həlledici təsiri olub. “Hürriyyət” nəşrinin yüksək vəzifəli türk məmuruna istinadən yazdığına görə, Rəcəb Tayyib Ərdoğan amerikalı həmkarın ilə telefon danışığı zamanı onu Türkiyənin İŞİD terror təşkilatına qarşı mübarizə aparacağına dair söz verib.

Suriya qərarının arxasındakı SİRLİ TELEFON DANIŞIĞI: Ərdoğan Trampa dedi... – DETALLAR

ABŞ prezidenti Donald Trampın Suriyadan çəkiləcəyi barədə bəyanatı terror təşkilatlarına verilən silahların taleyi ilə bağlı sualı ortaya çıxardı. Bu suala cavab verən siyasi şərhçilər eyni zamanda, Fransanın “ABŞ-ın boşaldacağı yerlərə biz gələcəyik” şərhinin nə anlama gəldiyini və Türkiyəni bölgədə nələrin gözlədiyini də qiymətləndiriblər.

Ən BÖYÜK QORXU: Bu yerlər Türkiyənin əlinə keçəcək

ABŞ prezidenti Donald Tramp ilə Suriya məsələsində bir çox nöqtədə eyni fikri paylaşırıq. Bu sözləri ölkə prezidenti Rəcəb Tayyib Ərdoğan deyib.

“Bütün etirazlarımıza baxmayaraq, Fəratın şərqində qurulmağa çalışılan terror dəhlizi bizi hər cür riski almağa itələyir. Barak Obamanın dövründəki problemlər Tramp üçün pis bir miras olaraq qaldı. Qarşıdakı aylarda Suriyada PKK və İŞİD-in qalıqlarını təmizləyəcək bir hərəkat tərzi izləyəcəyik. Bu gün Türkiyəyə diz çökdürmək dünəndə qat-qat çətindir”, - Ərdoğan söyləyib.

İsrailin baş naziri Benyamin Netanyahu İrana qarşı hücumları artıracaqlarını deyib. Buna səbəb ABŞ-ın hərbi qüvvələrini Suriyadan geri çəkməsidir.

“İranın Suriyada yerləşməsi cəhdlərinə qarşı çox aqressiv davranmağa davam edəcəyik. İşlərimizi azaltmayacağıq. Bunu ABŞ-ın tam dəstəyi və bizə arxa çıxması ilə edəcəyik” – Netanyahu bildirib.

ABŞ-ın Suriyadan çəkiləcəyini açıqlamasının ardınca Fransadan kritik bir bəyanat gəldi. Fransanın Avropa İttifaqı naziri Natali Luazo Suriyada qalmağa davam edəcəyini bildirib.

ABŞ-ın Suriyada Əsəd rejimini devirmək kimi bir istəyi yoxdur. Bu sözləri ABŞ-ın Suriya üzrə xüsusi nümayəndəsi Ceyms Cefri deyib.

Cefri Əsədin müharibədə qalib gəlmədiyini, ölkədə 100 minə yaxın müxalif döyüşçü olduğunu və Əsəd rejiminin müxaliflərlə razılaşmalı olduğunu bildirib.

“Biz tamamilə fərqli bir rejim görmək istəyirik. Bu rejim dəyişikliyi deyil, Əsəddən qurtulmağa çalışmırıq”, - Cefri bildirib.

Suriyanın yenidənqurulması prosesinə toxunan Cefri rejimin müxaliflərlə razılığa cəhd göstərməyəcəyi təqdirdə Qərb dövlətlərinin Suriyanın yenidən qurulmasına maddi dəstək verməyəcəyini qeyd edib.

Rusiya Suriyada olan İran hərbçilərinin İsraillə sərhəddən aparılmasına kömək etdi. Bu haqda “RİA-Novosti” agentliyinə Rusiya Təhlükəsizlik Şurasının katibinin köməkçisi Aleksandr Venediktov bildirib.

Onun sözlərinə görə, İran hərbçiləri məhz Moskvanın səyləri ilə cənub deeskalasiya zonası üzərində nəzarəti Suriya qoşunlarına verdi və sərhəd xəttindən 100 kilometr uzaqlaşdı. Venediktov hesab edir ki, bu, İran-İsrail münasibətlərinin sabitləşməsinə ciddi töhfədir.

Qeyd edək ki, İsrail və ABŞ İran güclərinin Suriyadan çıxmasını təkidlə tələb edirlər.

BMT-nin Ümumdünya Ərzaq Proqramı (ÜƏP) Qəzza və Qərbi Şeriaya göstərilən qida yardımlarını azaldacaq. Bu haqda təşkilatın açıqlamasında deyilir. Qərarın bu iki bölgədə yaşayan 190 min fələstinliyə təsir edəcəyi bildirilir.

Böyük Britaniyanın Müdafiə Nazirliyi Rusiya tərəfindən təhlükələrə qarşı “soyuq müharibə” dövrünün strategiyasına qayıdır. Bu haqda Böyük Britaniyanın Müdafiə Nazirliyinin başçısı Uilyamson Qevin bildirib.

Britaniya “Soyuq müharibə” strategiyasına qayıdır

ABŞ, Rusiya, Qərb-Rusiya münasibətləri

Pentaqonun rəhbəri Ceyms Mettis gələn ilin fevral ayının sonunda istefaya gedəcək. Bu barədə ABŞ Prezidenti Donald Tramp Tvitter hesabında yazıb.

“Ceyms Mettis fevralın sonunda istefaya gedəcək. Ceymsin vəzifədə olduğu müddətdə xüsusən ABŞ Silahlı Qüvvələri üçün hərbi texnika alınması sahəsində böyük uğura nail olundu”, - Tramp bildirib.

ABŞ prezidenti həmçinin yaxın vaxtlarda Mettisin yerinə namizədin kimliyinə də aydınlıq gətiriləcəyini söyləyib.

Vaşinqtonun Orta və kiçik mənzilli raketlərin ləğvi haqqında Müqavilədən çıxışının nəticələri Rusiyanın strateji nüvə güclərinin döyüş tətbiqinin planlaşdırılması zamanı nəzərə alınır. Bu haqda “Qırmızı ulduz” qəzetinə müsahibəsində Rusiya Strateji Təyinatlı Raket Qoşunlarının (STRQ) komandanı, general-polkovnik Sergey Karakayev bildirib.

O əlavə edib ki, ABŞ-ın Avropada yerləşdirdiyi raket əleyhinə müdafiə obyektləri Rusiyanın effektiv zərbə vasitələrinin təsir zonasındadır.

Rusiya 2016-cı il ABŞ prezident seçkilərində Donald Trampa kömək edib. Bu faktı Amerikanın “Vaşinqton Post” qəzeti ortaya çıxarıb.

Qəzet bu iddia haqqında ABŞ Konqresinə təqdim edilmək üçün hazırlanan hesabatı ələ keçirib. Hesabatda “Google”, “Facebook” və “Twitter” daxil olmaqla, bir çox sosial media platformalarında paylaşılan milyonlarla postun analiz nəticələri yer alıb. Nəticədə, həqiqətən də, Rusiyanın internet vasitəsilə Donald Trampın seçkilərdə qalib gəlməsinə kömək etdiyi ortaya çıxıb.

ABŞ Rusiya və Çinin hipersonik silahının yeni nəslindən lazımi müdafiəyə malik deyil. Bu haqda ölkənin Hesablama Palatasının məruzəsində deyilir.

İdarə qeyd edir ki, Moskva və Pekin yeni silaha güclü diqqət ayırır, çünki onun sürəti və manevr qabiliyyəti raket əleyhinə müdafiə sistemlərinin əksəriyyətinə zərər vura bilər. Bundan başqa, hesabatda əlavə edilir ki, hipersonik texnologiyalarından adi və nüvə raketlərinin müasirləşdirilməsi üçün istifadə etmək olar.

“Heç bir əks-tədbir mövcud deyil”, - Hesablama Palatası yekunlaşdırıb.

ABŞ-ın Orta və kiçik mənzilli raketlərin məhv edilməsi haqqında Müqavilədən çıxışı beynəlxalq təhlükəsizlik üçün ən ağır nəticələrə səbəb olacaq. Bu haqda Rusiya prezidenti Vladimir Putin Müdafiə Nazirliyi kollegiyasının genişləndirilmiş iclasında çıxışında deyib.

Putin dünya təhlükəsizliyinin iflasını xəbər verdi - VİDEO

2019-cu ildə Rusiya Silahlı qüvvələrin əsas vəzifəsi “nüvə triadası”nın (qitələrarası ballistik raket, strateji bombardmançı təyyarələr və atom sualtı qayıqları –red.) döyüş potensialının möhkəmləndirilməsidir. Bu haqda Rusiya prezidenti Vladimir Putin Müdafiə Nazirliyinin kollegiya iclasında bildirib.

Prezidentin sözlərinə görə, raket əleyhinə müdafiə sistemlərinin öhdəsindən gələn daha sürətli və müasir silahlara keçmək lazımdır.

Putin dünyanı “nüvə triadası” ilə HƏDƏLƏDİ

SSRİ və ABŞ arasında imzalanmış Orta və kiçik mənzilli raketlərin ləğvi haqqında Müqavilə Sovet İttifaqı üçün birtərəfli silahsızlaşma oldu. Bu haqda Rusiya prezidenti Vladimir Putin Müdafiə Nazirliyinin kollegiya iclasında bildirib.

“Bu, bir Allaha məlumdur” – Putindən SENSASİYALI AÇIQLAMA

Əgər ABŞ Yaxın və orta mənzilli raketlərin ləğvi razılaşmasından çıxdıqdan sonra öz raketlərini Avropa Birliyi ərazisində yerləşdirsə, o zaman Rusiya ABŞ-ın Avropadakı raket sistemlərini hədəfə almaq məcburiyyətində qalacaq. Bunu “Birinci kanal”da yayımlanan “Böyük oyun” verilişində çıxışı zamanı Rusiya Prezidentinin mətbuat katibi Dmitri Peskov deyib.

“ABŞ raketlərinin Avropada yerləşdirilməsi və onun potensial hədəfinin Rusiya olması ona gətirib çıxaracaq ki, Rusiya onları öz raket arsenalı vasitəsilə əsas hədəfinə götürmüş olacaq. Bu zaman keçmişdə yaşamağa məcbur olduğumuz situasiya yenidən təkrarlanacaq”, – deyə o bildirib.

Böyük Britaniyanın Müdafiə Nazirliyi Rusiya tərəfindən təhlükələrə qarşı “soyuq müharibə” dövrünün strategiyasına qayıdır. Bu haqda Böyük Britaniyanın Müdafiə Nazirliyinin başçısı Uilyamson Qevin bildirib.

Britaniya “Soyuq müharibə” strategiyasına qayıdır

Amerikanın “We are the mighty” internet nəşri “Borey” tipli sualtı kreyserindən nüvə döyüş başlıqlı raketlərlə ABŞ-a zərbənin modelini hazırlayıb. Jurnalistlərin hesablamalarına görə, bir sualtı gəmi, məsələn, “Yuri Dolqoruki” Amerika ordusu və donanmasına sarsıdıcı zərbə vurmaq üçün kifayət edir.

Nəşr fərz edib ki, raketlərin işə salınması üçün Rusiya sualtı qayığının ən yaxşı mövqeyi Meksika körfəzinin sularındadır. Uçuş məsafəsi 6000 mil olan “Bulava” raketləri ABŞ ərazisindəki bütün əhəmiyyətli hərbi və rabitə mərkəzlərini vura biləcək.

ABŞ 1 dəqiqə ərzində MƏHV EDİLƏCƏK: Qodzilla kimi... - Nüvə zərbəsinin MODELİ - FOTO

Moskva Gürcüstanda yerləşən Luqara laboratoriyasında ABŞ-ın hərbi-bioloji fəallığından ciddi narahatdır. Bu haqda “RİA-Novosti” agentliyinə müsahibəsində Rusiya Xarici İşlər Nazirliyinin başçının müavini Qriqori Karasin bildirib.

“Riçard Luqara adına Səhiyyə üzrə İctimai Tədqiqat Mərkəzində Amerikanın hərbi-bioloji fəallığı ciddi əndişəyə səbəb olur”, - Karasin deyib.

Rusiyadan NÖVBƏTİ SOS: Pentaqon Azərbaycan sərhədlərində…

Rusiya prezidenti Vladimir Putinin ənənəvi illik mətbuat konfransı keçirilib.

Putinin illik mətbuat konfransı başa çatdı - YENİLƏNDİ

Rusiya silahlanma üzrə beynəlxalq sistemin dağılmasını müşahidə edir. ABŞ-ın Orta və yaxın mənzilli raketlərinin məhvi haqqında Müqavilədən çıxışını xatırladan Putin deyib edib ki, Moskva bundan sonra öz silahlarını müasirləşdirməyə məcburdur. Bunu Rusiya prezidenti Vladimir Putinin ənənəvi illik mətbuat konfransında deyib.

Dövlət başçısı vurğulayıb ki, söhbət ancaq paritetin saxlanılmasından gedir. Putinin sözlərinə görə, sivilizasiyanın, hətta planetlərinin məhv olmasına gətirib çıxara biləcək ssenari təhlükəsi var.

“Silahın tətbiqi ehtimalının artması tendensiyası mövcuddur. Və bu çox təhlükəlidir. Bu, qlobal nüvə faciəsinə gətirib çıxara bilər. İkinci problem, qeyri-nüvə planında ballistik raketlərin tətbiqidir. Amerika partnyorları bundan imtina etdilər, amma ideyanın özü mövcuddur”, - Putin deyib.

ABŞ-ın Suriyada mövcudluğu qanunsuzdur. Bu sözləri Rusiya lideri Vladimir Putin bu gün keçirdiyi böyük mətbuat konfransında deyib.

“Suriyadan ABŞ qoşunlarının çıxarılmasına gəlincə, ABŞ hər il Əfqanıstandan da ordularını “çıxarır”. Suriyada hərbçilərin çıxarılması da hələlik görünmür. Hər bir halda bu da baş verəcək. Əgər indi belə qərar qəbul ediblərsə, bu, doğru addımdır”.

Rusiya prezidenti Vladimir Putin amerikalı həmkarı Donald Trampla mümkün görüşü haqqında danışıb. Ənənəvi illik mətbuat konfransında jurnalistlərin suallarını cavablandıran Kremlin başçısı Trampla görüşün nə vaxt baş tutacağını bilmədiyini deyib.

“Mən dəfələrlə demişəm ki, biz hazırıq”, - o əlavə edib.

Prezidentin sözlərinə görə, amerikalı həmkarı ilə müzakirə olunmalı çox məsələ var.

Koreya böhranı

Koreya Xalq Demokratik Respublikası (KXDR) ABŞ-ın siyasəti ilə əlaqədar denuklearizasiyadan imtina variantına baxır. Bu haqda Şimali Koreyanın STAK agentliyinə istinadən “RİA-Novosti” bildirib.

Xəbərə görə, KXDR-in Xarici İşlər Nazirliyi yanında ABŞ-ın işləri üzrə İnstitut Vaşinqtonun hərəkətlərindən narazılığını ifadə edib. Söhbət Pxenyana təzyiqdən gedir. Şərhin müəlliflərinin sözlərinə görə, belə hərəkətlər Pxenyanın denuklearizasiyadan həmişəlik imtinaya gətirib çıxara bilər.

KXDR-də hesab edir ki, sanksiyaların intensivliyinin artırılması və insan hüquqları ətrafında səs-küyün yaradılması üzrə davranışlar yalnız əks effektə gətirib çıxaracaq.

Şimali Koreyadan ABŞ-a təhdid məzmunlu növbəti xəbərdarlıq edilib.

Nüvə silahından imtina etməyəcəyik, əgər... - Dünyanı ŞOKA SALACAQ TƏHDİD

Ukrayna

Ukrayna prezidenti Petro Poroşenko prezident seçkilərində daha layiqli namizədin olacağını istisna etməyib.

“Mən Ukrayna xalqına çox etibar edirəm. Xalqımın seçki məsuliyyətinə inanıram. Əgər seçkilərdə daha layiqli namizəd olsa, ona dəstək verəcəyəm”, - deyə ölkə prezidenti dekabrın 16-da keçirdiyi mətbuat konfransında məlumat verib.

Qeyd edək ki, Ukraynada prezident seçkisi 2019-cu ilin martın 31-də keçiriləcək.

Ukrayna prezidenti Pyotr Poroşenko Rusiyayla sərhəddə təxribat hazırlayır. Bu haqda “Komsomolskaya Pravda” radiosunun efirində Rusiyanın xarici işlər naziri Sergey Lavrov bildirib.

O dəqiqləşdirib ki, alınmış informasiyaya əsasən, söhbət dekabrın sonuna nəzərdə tutulmuş silahlı təxribatdan gedir. Nazir qeyd edib ki, Poroşenko lazımı cavabı alacaq.

Lavrov həmçinin vurğulayıb ki, Kiyev belə addımları “Qərb kuratorları və qəyyumları ilə” uyğunlaşdırır. Rusiya xarici siyasət idarəsinin başçısı söyləyib ki, əldə edilən məlumatlara görə, Poroşenkoya kiçik intensivli döyüş hərəkətlərini dəstəkləməyi məsləhət görürlər. Lavrov qeyd edib ki, məqsəd Rusiyanı Ukraynaya hərbi təcavüzdə ittiham etmək yönündə təbliğatın aparılması üçün əsaslar yaratmaqdır.

Rusiya Xarici İşlər Nazirliyinin başçısı Sergey Lavrov Moskvanın Ukraynanın şərqində yaradılan separatçı qurumları tanımamasının səbəbini izah edib. “Komsomolskaya Pravda” radiosunun efirində danışan nazirin sözlərinə görə, bu halda, Rusiya Ukrayna hakimiyyəti ilə münasibətləri qəti itirəcək.

Ukrayna gəmilərinə hücum göstərdi ki, Rusiyanın davranışında keyfiyyət dəyişikliyi oldu. O artıq traktorçular, şaxtaçılar və ya “adamcığazlar” bəhanəsi ilə öz nizami qoşunlarının hərəkətlərini gizlətmir. İlovaysk döyüşündə bir neçə on Rusiya taktik qrupu iştirak edirdi, amma bu gizlədilirdi. Rusiya artilleriyasının sərhəd boyu Ukrayna qoşunlarına atəş açdığı məlum faktdır, amma Qərb bunu görməməyə üstünlük verirdi. Bunu Ukraynanın “Obozrevatel” nəşrinə müsahibəsində Rusiya prezidentinin keçmiş məsləhətçisi, iqtisadçı Andrey İllarionov danışıb.

Ukraynada prezident seçkilərində Moskvaya loyal siyasətçilərin qələbə qazanmayacağı halda (Ukraynada prezident seçkisi 2019-cu ilin martın 31-də keçiriləcək –red.), Rusiyanın Ukraynaya hücum edəcəyi barədə ekspertlərin fikirlərinə gəlincə, İllarionov bunu mümkün sayır.

Putinin keçmiş məsləhətçisi HƏR ŞEYİ DANIŞDI: 2019-cu il martın 31-də… - ŞOK DETALLAR

Ukrayna hərbi metodlara qaçmadan Krım və Donbas üzərində nəzarəti bərpa edəcək. Regionlar xüsusi siyasi-diplomatik yolla qaytarılacaq. Bu haqda Ukrayna Xarici İşlər Nazirliyinin bəyanatında deyilir.

Böyük Britaniya noyabrın 25-də Kerç boğazı ətrafında baş verən hadisə ilə əlaqədar “HMS Echo (H87)” gəmisini Qara dənizə göndərib. Bunu “BlackSeaNews” nəşrinin baş redaktoru, hərbi ekspert Andrey Klimenko feysbuk səhifəsində yazıb.

Torpaqlar bu yolla qaytarılacaq – XİN AÇIQLADI

Ukraynanın Nazirlər Kabineti Rusiya tərəfindən ilhaq edilmiş Krımda fəaliyyətə görə hüquqi və fikizi şəxslərə bir sıra sanksiyaların tətbiqi üzrə Milli Təhlükəsizlik və Müdafiə Şurasının təkliflərini bəyənib. Bu haqda işğal edilmiş ərazilər üzrə Nazirliyin mətbuat xidməti bildirib.

Nazirlikdən qeyd ediblər ki, hüquqi və fikizi şəxslərə sanksiyaların tətbiqi Ukrayna ilə iqtisadi münasibətləri qeyri-mümkün edəcək, həmçinin Avropa İttifaqi və ABŞ-la iqtisadi münasibətlərə zərər verəcək və Ukraynanın işğal edilmiş ərazilərinin qayıdışına imkan yaradacaq.

Ukrayna ilə sərhəddə, Krımda və Donbasın işğal edilmiş hissələrində Rusiya hərbi texnikasının miqdarı kəskin artıb. Bu haqda 72-ci briqadanın hərbçiləri ilə görüş zamanı Ukrayna prezidenti Pyotr Poroşenko bildirib.

Prezident qeyd edib ki, sentyabr-dekabr ayları ərzində tankların miqdarı təxminən üç dəfə artıb.

“Kosmik kəşfiyyatın məlumatına görə, təcavüzkar tankları Ukrayna sərhədlərindən 18 kilometr məsafədə yerləşdirib. Ukrayna sərhədləri boyu, həmçinin Krımda və Donbasda 28 batalyon taktik qrupu, 1120-dən çox tank, 2600 zirehli maşın, 1230 artilleriya sistemi, 442 reaktiv yaylım atəş sistemi və 6 operativ-taktik raket kompleksi var”, - Ukrayna prezidenti deyib.

Donbasda Ukrayna Silahlı Qüvvələri ilə separatçılar arasındakı təmsa xəttində vəziyyət yenidən gərginləşib. Dekabrın 20-də baş verən döyüşlərin gedişatında 6 separatçı ölüb, 3-ü yaralanıb.

Bir Ukrayna hərbçisinin yaralandığı bildirilir.

Ukrayna Ali Radasın deputatı Vitali Kupriy Rusiyaya müharibə elan etmək xahişiylə prezident Pyotr Poroşenkoya müraciətin layihəsini parlamentə təqdim edib. Bu haqda Ali Radadan bildirilib.

Ömər Dağlı