Kahramanmaraşda qızının uyğunsuz şəkillərini yaymaqla təhdid etdiyini iddia etdiyi şəxsi qətlə yetirən müttəhimin mühakimə olunduğu iddianın ilk məhkəmə iclası olub.
Metbuat.az türk mediasına istinadən xəbər verir ki, məhbus müqəssir Qədr I, dəfələrlə ölüm təhdidi aldığını və qızının dəfələrlə təcavüzə məruz qaldığını söyləyib və "prokurorluğa 50 dəfə gəlmişəm, heç birində bir şey etmədilər. Yalvardım kimsə bir şey etmədi" deyib.
Qədr I, "bu hadisə göz görə görə gəlmişdir. İstəyərək olmadı. Ailəmi və qızımı qorumaq üçün əlimdən gələni etdim. Ağır təhriklərə məruz qaldım, istəməyərək bu hadisə olmuşdur. Mənim qətiyyən öldürmək məqsədim yox idi. Ancaq özümü qorumaq üçün onu yaralamaq məqsədilə hərəkət etdim. Hadisədən çox peşmanam, həyatım qaraldı" deyib.
Kahramanmaraş Ədalət Sarayı 4-cü Ağır Cəza Məhkəməsində ilk məhkəmə iclasında məhbus müqəssir Qədr I, şahidlər, ailənin yaxınları və ölənin əmioğlusu iştirak edib.
İclasda şahid kimi ifadə verən müqəssir Qədirin qızı Zəhra I (24), ölənin əmioğlusu ilə özünün sinif yoldaşı olduğunu və bu sayədə onunla anış olduqlarını söyləyib. Bir müddət sosial media üzərindən söhbət etdiklərini, daha sonra isə Kahramanmaraşa gəldiyini qeyd edən Zəhra I, "mənə yaşının 29 olduğunu bildirmişdi, ancaq daha yaşlı görünürdü. Özü gedəndən bir həftə sonra mən onunla görüşmək istəmədiyimi dedim. Sonra o, "nə olacaq ki, niyə mənimlə danışmırsan?" dedi. Mənə qorxu verdiyi üçün ara-ara yazışmağa başladım.
Atamın telefonunu tapmışdı. Mənimlə evlənməyi düşünürdü və evləndikdən sonra hər şey yoluna düşər deyirdi. Mənə telefonda və mesajlarda "sənin məktəb həyatını bitirirəm, ailəni də bitirirəm şəklində sözlər söylədi. Maktul atama çatıb və atam mənimlə danışdı. Vəziyyəti danışdım, atam məni haqlı bildi" deyib.
Mühakimənin ilk məhkəmə iclası sonrası jurnalistlərə açıqlama verən vəkil Qədr Bastırmacı müttəhim Qədr İ.nın uşaqlarına zərər gəlməməsi üçün belə bir şeyin içinə girdiyini və gözləntilərinin azadlıq olduğunu deyib.
Bastırmacı "ailəsinə zərər gəlməsin deyə, maddi və mənəvi hər cür ciddi bir hücumu qarşısını almaq naminə özünü fəda edən bir atanın məhkəməsidir bu dava. Uzun müddətdir bir həbs prosesi var. Əlbəttə, qarşı tərəfdə də bir ölüm hadisəsi var. Amma ortada çılpaq fotolarla şantaja qədər bir çox təhrikedici şey var" deyib.
