[ 13 May 2015 03:22 ]
Bakı-APA. İraqın paytaxtı Bağdadda törədilən bir neçə partlayış nəticəsində 15 şiə zəvvarı ölüb. APA-nın “Assoşieyted Press”ə istinadən verdiyi xəbərə görə, Bağdadın Kazımiyyə rayonunda terrorçu-kamikadze özünü məscidin qarşısında partladıb. Nəticədə 10 nəfər ölüb, daha 25 nəfər yaralanıb.
Şəhərin şərqində iki zəvvar yol kənarında quraşdırılmış minaya düşərək ölüb.
Daha bir partlayış Bağdadın şimalında qeydə alınıb. Partlayıcı qurğunun işə salınması nəticəsində 3 nəfər ölüb, 8 nəfər yaralanıb.
