Bakıda məşhur bəstəkarın operasının tamaşası keçiriləcək

Bakıda məşhur bəstəkarın operasının tamaşası keçiriləcək
08:48 6 Noyabr 2019
Ölkə mətbuatı
A- A+

Noyabrın 17-də Azərbaycan Dövlət Akademik Opera və Balet Teatrında görkəmli italyan bəstəkarı Rudjero Leonkovallonun “Payatsı”operasının tamaşası keçiriləcək.

Publika.az bildirir ki, tamaşanı idarə etmək üçün Teatrın rəhbərliyi tanınmış İtaliyalı dirijor - Makedoniya Dövlət Opera və Balet Teatrının baş dirijoru, professor Yakopo Sipari di Peskasserolini dəvət etmişdir. Maestro Sipari eyni zamanda Qətər simfonik orkestri, İstanbul Milli simfonik orkestri, Belqrad Milli Teatrı orkestri və Meksika simfonik orkestrinin dəvətli dirijorudur.

Opera tamaşasında baş rolu - Kanio partiyasını Tbilisi Dövlət Opera və Balet Teatrının solisti, Gürcüstanın Xalq artisti, Gürcüstanın Dövlət mükafatı, vokalçıların beynəlxalq müsabiqələrinin laureatı, professor Teymuraz Ququşvili ifa edəcəkdir.

Tonio rolunda Belarus Milli Akademik Böyük Opera və Balet Teatrının solisti, Belarusun Əməkdar artisti, beynəlxalq müsabiqələrinin laureatı Stanislav Trifonov çıxış edəcəkdir.

Tamaşada həmçinin Azərbaycanın Əməkdar artistləri Afaq Abbasova (Nedda), Cahangir Qurbanov (Silvio), Əliəhməd İbrahimov (Arlekin) və Tural Ağasıyev (Kəndli) çıxış edəcəklər.


Xəbərin orijinal ünvanı: https://publika.az/news/art/295264.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR