Gəncədə zəncirvari yol-nəqliyyat hadisəsi baş verib.
Milli.Az APA-ya istinadən xəbər verir ki, hadisə şəhərin Gülüstan qəsəbəsində qeydə alınıb.
Hadisədə iki "Mercedes" markalı minik maşını, "VAZ 2114", "VAZ 2107" və "Ford" markalı yük maşını toqquşub. Avtoqəza zamanı avtomobillərə ciddi ziyan dəyib. Yüngül xəsarət alanların olduğu bildirilir.
Hadisə yerinə DYP əməkdaşları cəlb olunub. Faktla bağlı araşdırma aparılır.
Milli.Az
