Bu il dekabrın 1-nə Azərbaycan manatının xarici valyutalara nisbətən nominal effektiv məzənnəsi 73,6 bənd təşkil edib.
“Report” Azərbaycan Mərkəzi Bankına istinadən xəbər verir ki, bu, noyabrın 1-nə olan göstərici ilə müqayisədə 0,4 bənd az, ilin əvvəli ilə müqayisədə 1 bənd çox, ötən ilin dekabrın 1-nə nisbətən isə 1 bənd çoxdur.
Bu il dekabrın 1-nə manatın real effektiv məzənnəsi isə 99,1 bənd təşkil edib. Bu isə aylıq müqayisədə 0,1 bənd az, ilin əvvəli ilə müqayisədə 0,5 bənd az, illik müqayisədə isə 0,2 bənd çoxdur.
