Sabah Ağcabədidə baş tutacaq oğlan toyuna hazırlaşan Aynişan Quliyeva ona ünvanlanan sualları cavablandırıb.
Metbuat.az Kənan Əliyevlə nikah masasına əyləşən Aynişan Quliyeva ilə qısa müsahibəni təqdim edir.
- Sabah oğlan toyunuzdur. Həyəcanlısınız?
- Xeyr. Həyəcanlı deyiləm, sadəcə yorğunam.
- Qız toyu üçün gəlinlik seçərkən niyə ağ rəngə üstünlük vermişdiniz?
- Özümə yaraşanı seçdim. Oğlan toyunda bir az fərqli olmağı düşünürəm. Toyda çəhrayı geyinməliydim? Ürəyim belə istədi. Əsas odur, mənə xoş olsun. Çünki geyinən mənəm.
- Gəlinliyiniz açıq-saçıq idi. Buna Kənan bəyin münasibəti necə oldu?
- Açıqlıq indivudual yanaşmadır. Kiməsə görə açıq olan başqasına qapalı gələ bilər. Kənan mənim yaşam tərzimə, əhatəmə, dünyagörüşümə, davranışlarıma icazə verir. O ki qaldı gəlinliyə olan reaksiyasına, onu Kənanla birlikdə seçmişik. Bir neçəsinə baxdıq, amma daha çox onu bəyəndik.
- Oğlan toyuna necə gəlinlik seçmisiniz?
- Bu toy üçün gəlinlik özəl hazırlanıb.
- Kənan bəy ciddi insana oxşayır. Bu sizi gələcəkdə sıxmayacaq?
- Bizim ikimizdə də bu cəhət var, elə bil hər şeydən narazıyıq. Onun fotolarını yalnız mən çəkəndə üzügülər düşür.
- Niyə toyunuzda iki gəlinlik geyinmişdiniz?
- Əslində elə şeylərə həvəsim yoxdur. Sadəcə birinci əlbisənin şleyfi çox və ağır olduğu üçün ikinci gəlinliyi də seçdim.
(teleqraf.com)
