Azərbaycanın məşhur idmançılarının çəkildikləri koronavirus əleyhinə videoçarx hazırlanıb.
Publika.az xəbər verir ki, Azərbaycan İdman Jurnalistləri Federasiyasının (AİJF) gerçəkləşdirdiyi layihədə olimpiya və dünya çempionları əhalini təlaşlanmamağa, hökumətin tətbiq etdiyi qaydalara riayət etməyə səsləyirlər.
Videoçarxda olimpiya çempionları Namiq Abdullayev, Zemfira Meftəhəddinova, paralimpiya çempionu İlham Zəkiyev, dünya çempionu Rafael Ağayev və AİJF idarə heyətinin üzvü, televiziya aparıcısı Sənan Şəfizadə çəkiliblər.
