Bu gün 2017-ci il 4 iyulda Ermənistan Silahlı Qüvvələrinin minaatan və qumbaratanları tərəfindən, nənəsi Sahibə Quliyeva ilə birgə qətlə yetirilən 14 aylıq körpəmiz Zəhra Quliyevanın doğum tarixidir.
Metbuat.az xəbər verir ki, Zəhra Quliyeva 2016-cı ildə Füzuli rayonunun Alxanlı qəsəbəsində Elnur və Təhminə Quliyevlərin ailəsində anadan olub.
2017-ci il, iyulun 4-də saat 20.40 radələrində Ermənistan Silahlı Qüvvələri tərəfindən Füzuli rayonunun Alxanlı qəsəbəsi 82 və 120 millimetrlik minaatanlardan və dəzgahlı qumbaraatanlardan atəşə tutulması nəticəsində 14 aylıq Zəhra Quliyeva və nənəsi 1967-ci il təvəllüdlü Sahibə Quliyeva qətlə yetirilmişdi.
Körpə Zəhranın vəhşicəsinə qətli ermənilərin xalqımıza qarşı terrorçu siyasətinin ən qanlı nümunələrindən biridir. (Baku.ws)
