Tacikistan ordusunun ölkənin şərqindəki Dağlıq Bədəxşan Muxtar Vilayətində həyata keçirdiyi antiterror əməliyyatları nəticəsində 8 silahlı məhv edilib. 70-dən çox silahlı saxlanılıb.
Metbuat.az xəbər verir ki, bu barədə Daxili İşlər Nazirliyi məlumat yayıb. Hərbi əməliyyatlar zamanı 1 hərbçi həlak olub. 13 hərbçi yaralanıb.
Qeyd edək ki, Daxili İşlər Nazirliyi ölkənin şərqindəki Dağlıq Bədəxşan Muxtar Vilayətində antiterror əməliyyatlarına başladığını açıqlamışdı. Bildirilib ki, ictimai-siyasi sabitliyi pozmaq üçün cinayətkar dəstələr Düşənbə-Kulma magistralının Ruşandan keçən hissəsini bağlayıb. Çinayətkarlar xaricdəki terror təşkilatının dəstəyi ilə silahlarla təmin edilib. Həmçinin silahlılar terror hücumları təşkil etmək üçün muzdlu döyüşçüləri cəlb edib.
