Ötən gün Samux Rayon İcra Hakimiyyətinin qarşısında özünü yandıran şəxsin vəziyyəti açıqlanıb.
TƏBİB-dən Metbuat.az-ın sorğusuna cavab olaraq bildirilib ki, Təbriz Abdullayev 18.08.2022-ci il saat 16:30 radələrində Nərimanov Tibb Mərkəzinin Yanıq şöbəsinə bədəninin 75-80% yanığı, III-IV dərəcəli termiki alov xəsarəti ilə daxil olub.
Hazırda reanimasiya şöbəsində həkim nəzarəti altındadır, vəziyyəti ağırdır.
Qeyd edək ki, avqustun 18-i saat 11 radələrində 1989-cu il təvəllüdlü Təbriz Abdullayev Samux Rayon İcra Hakimiyyətinin inzibati binasının önündə özünü yandıraraq intihara cəhd edib. Faktla bağlı Samux Rayon Prokurorluğunda araşdırma aparılır.
Təbriz Abdullayevin Vətən Müharibəsi iştirakçısı, qazi olduğu bildirilir.
