UEFA Çempionlar Liqasının qrup mərhələsində V turun daha 6 oyunu keçirilib.
Metbuat.az xəbər verir ki, 1/8 finalın növbəti 3 iştirakçısı bəlli olub. G qrupunda Dortmund "Borussiya"sı Almaniyada İngiltərənin "Mançester Siti" klubu ilə qolsuz heç-heçə edərək, adını pley-offa yazdırıb.
H qrupunda isə Fransa PSJ-si və Portuqaliya "Benfika"sı növbəti mərhələyə adlayıblar. Paris klubu buna evdə İsrailin "Makkabi" (Hayfa) komandasını 7:2, Lissabon təmsilçisi isə İtaliya "Yuventus"unu 4:3 hesabı ilə məğlub etməklə nail olub.
E qrupunda Zaqreb "Dinamo"su Xorvatiyada İtaliya "Milan"ını qəbul edib. Hesab 0:4 hesabı ilə bitib.
F qrupunda "Leyptsiq" Almaniyada İspaniya "Real Madrid"inə 3:2 hesabı ilə qalib gəlib. Digər matçda isə Ukraynanın "Şaxtyor" (Donetsk) komandası Şotlandiyada "Seltik"lə heç-heçə edib - 1:1.
E qrupu
20:45. "Zaltsburq" (Avstriya) - "Çelsi" (İngiltərə) - 1:2
23:00. "Dinamo" (Zaqreb, Xorvatiya) - "Milan" (İtaliya) - 0:4
F qrupu
23:00. "Seltik" (Şotlandiya) - "Şaxtyor" (Donetsk, Ukrayna) - 1:1
23:00. "Leyptsiq" (Almaniya) - "Real Madrid" (İspaniya) - 3:2
G qrupu
20:45. "Sevilya" (İspaniya) - "Kopenhagen" (Danimarka) - 3:0
23:00."Borussiya" (Dortmund, Almaniya) - "Mançester Siti" (İngiltərə) - 0:0
H qrupu
23:00. PSJ (Fransa) - "Makkabi" (Hayfa, İsrail) - 7:2
23:00. "Benfika" (Portuqaliya) - "Yuventus" (İtaliya) - 4:3