Hakim Ziyeçin transferi ilə bağlı futbolçunun özü və “Çelsi” klubu ilə razılıq əldə edən PSJ transferi reallaşdıra bilməyib.
Metbuat.az “Ntvspor”a istinadən xəbər verir ki, buna səbəb “Çelsi”nin PSJ-yə 3 dəfə səhv sənəd göndərməsi olub. Bildirilir ki, səhv sənədlərin göndərilməsi nəticəsində bir neçə saat vaxt gedib. Ardınca transfer pəncərəsi bağlandığına görə transfer reallaşmayıb. Qalmaqaldan sonra mərakeşli futbolçunun PSJ-yə transferi Fransa Futbol Federasiyasının qərarından asılı olacaq.
PSJ nümayəndələri transferdən imtina etmək istəmir və bununla bağlı Fransa Futbol Federasiyasına müraciət edəcək.
