"Şəkər xəstəliyinin uşaqlara keçməsində genetik ötürmənin rolu var".
Metbuat.az xəbər verir ki, bunu Səhiyyə Nazirliyinin mütəxəssis-eksperti, uşaq endokrinoloqu Azad Əkbərzadə deyib. Onun sözlərinə görə, əgər həm ata, həm ana diabetdirsə, bu xəstəlik 30% uşağa keçə bilər.
O qeyd edib ki, son 10 ildə uşaqlar arasında şəkər xəstəliyinə tutulma artıb. Əsasən 5-7 yaşdan 12-dək uşaqlarda şəkər xəstəliyini müəyyən etmək olur.
Endokrinoloq uşaqlarda görülən şəkər xəstəliyinin ilkin əlamətlərini açıqlayıb: "Birinci diabetdə insulininin fəaliyyəti azalır. Bu zaman şəkər xəsətliyinin əlamətidir. Yəni ilkin əlaməti uşaqların tez-tez sidiyə getməsi, tez-tez su içməsi, sidik qaçırmaları, çox yemək yemək, buna baxmayaraq kilo ala bilməməsi əlamətləridir. Bu hallar kəskin şəkər xəstəliyində baş verir və 2-3 ay ərzində görülür. İkinci diabet xəstəliyində isə uşaqlar daha çox kök olurlar, dəri qəhvəyi rəngə çalmağa başlayır, halsızlıq, yorğunluq, aclığa dözümsüzlük, diqqət pozğunluğu tez-tez əsəbilik kimi əlamətlərlə uşağa bu diaqnoz qoyulur. ".
Həkim qeyd edib ki, əgər valideynlər bu halları ifrat dərəcədə görürsə, həkimə müraciət edilməlidir.