Rusiya Xarici İşlər Nazirliyi vətəndaşlarına İsrail, Fələstin, Livana və İordaniyaya səfər etməməyə çağırı. edib.
Metbuat.az xəbər verir ki, bu barədə Rusiya diplomatik departamentinin regionda vəziyyətin inkişafı ilə bağlı yaydığı məlumatda deyilir.
"Yaxın Şərqdə vəziyyət qızışır. İsrail ərazilərinin atəşə tutulması, Qəzza zolağının şimal və digər ərazilərinə raket və bombalı hücumlar, Livan və İsrail arasındakı Mavi Xətt ərazisində silahlı insidentlər davam edir. Həlak olanların və yaralananların sayı artır. Bütün dünyada kütləvi etirazlar keçirilir. Bununla əlaqədar olaraq, Rusiya Federasiyası vətəndaşlarına regiona, xüsusən də İsrail, Livan, İordaniya və Fələstin ərazilərinə səyahət etməkdən çəkinməyi tövsiyə edirik", - deyə məlumatda qeyd edilib.
