Albaniya parlamentində qarşıdurma baş verib.
Metbuat.az xəbər verir ki, müxalifət deputatları qanun dəyişikliyinin müzakirə edildiyi iclasa mane olaraq, kürsülərin qarşısına stul qoyub, tüstü bombaları atıblar. Əsas müxalifət partiyası olan Albaniya Demokratik Partiyasının deputatları iclası boykot ediblər. Hadisəni şərh edən Albaniya parlamentinin sədri Lindita Nikolla bunun Albaniya parlamenti üçün ayıb olduğunu ifadə edib. Parlament sədri baş verənləri biabırçılıq kimi qiymətləndirib.
Parlamentdəki gərginliyə baxmayaraq, deputatlar bəzi qanun layihələrini qəbul ediblər. Daha sonra parlamentin sədri Nikolla iclası yekunlaşdırıb.
