Azərbaycan, Bakı, 20 iyun /Trend, müxbir Vüqar İmanov/
"Qələbəni anama həsr edirəm. Final çox ağır keçdi".
Bu sözləri Trend-ə I Avropa Oyunları çərçivəsində kişilər arasında 80 kq-dan yuxarı çəki dərəcəsində keçirilən taekvando yarışında qızıl medal qazanan Azərbaycan taekvandoçusu Radik İsayev qazandığı qələbəsi ilə bağlı təəssüratlarını bölüşərkən söyləyib.
R.İsayev bildirib ki, bundan qabaq rəqibimə uduzmuşdum, bu dəfə bir növ revanş aldım: "Bunun dəyəri ondan ibarətdir ki, medalı “öz evimdə“ aldım. Bir qədər dincəldikdən sonra bizi müxtəlif yarışlar gözləyir. RİO-da keçirilən olimpiada yolunda bizi bir necə yarışlar gözləyir".
Qızıl mükafatçı sonra qeyd edib ki, bu il çox uğurlu oldu: "Dünya çempionu, I Avropa Oyunlarının qalibi oldum. Özümü çox xoşbıəxt hiss edirəm".
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
