[ 30 İyun 2015 00:56 ]
APA-nın “RİA Novosti”yə istinadən verdiyi xəbərə görə, bu barədə Minskdə səfərdə olan Avropa İttifaqının genişlənmə və qonşuluq siyasəti üzrə komissarı Yohannes Xan bildirib.
“Aİ assosiasiya sazişini imzalamağı, Aİ-yə iqtisadi inteqrasiya olmağı planlaşdırmayan ölkələrin seçiminə hörmətlə yanaşır”, deyə Yohannes Xan Minskdə keçirilmiş “Şərq Tərəfdaşlığı”nın nazirlər səviyyəsində keçirilmiş qeyri-formal görüşdə bildirib.
Bununla belə o proqramın bütün üzvlərinin Aİ ilə münasibətlərin yaxşılaşdırılmasında maraqlı olduğunda və öz öhdəliklərini icra edəcəklərinə əmin olduğunu bildirib.
Qeyd edək ki, “Şərq Tərəfdaşlığı” proqramı Aİ-nin Azərbaycan, Ermənistan, Belarus, Gürcüstan Moldova və Ukrayna ilə siyasi assosiasiyasını və iqtisadi inteqrasiyasını nəzərdə tutur. Gürcüstan Moldova və Ukrayna Aİ ilə assosiativ tərəfdaşlıq haqqında sazişi imzalayıb.
