Bankomatlardan pul çıxararkən ehtiyatlı, sayıq olun. Fırıldaqçılar ATM-lərdən, yəni bankomatlardan pul çıxaran adamların yanında duraraq onların şifr və kodlarını öyrənir, sonra isə kart sahibi avtomatdan kənarlaşanda onun hesabındakı pulları asanlıqla çıxarırlar.
Cinayətkarlar artıq daha hiyləgər olublar. Onlar bank kartı ATM-ə daxil olunanda kart sahibinin yığdığı şifrə və kodları daha asan əldə etmək üçün mobil telefonlardan çıxarılaraq ATM-in displeyinin yuxarısına bərkidilən mini-kameralardan istifadə edirlər.
Milli.Az ABC-yə istinadən bildirir ki, kartın şifrəsi və kodu yığılarkən kamera bu əməliyyatı çəkir, cinayətkarlara ötürür. Bədəməllər də sonradan bu görüntülərdən yararlanaraq asanlıqla pul oğurlayırlar.
Kamera bankomatın displeyinin yuxarısındakı saxta panelə bərkidilir.
Milli.Az