[ 27 İyul 2015 10:25 ]
Bakı. Fərid Mirzəyev - APA. İyulun 26-da Qəbələ rayonu ilə Ağdaş rayonu arasında olan ərazidəki taxıl sahəsində naməlum səbəblərdən yanğın hadisəsi baş verib.
Ekologiya və Təbii Sərvətlər Nazirliyinin (ETSN) mətbuat xidmətinin rəhbəri İradə İbrahimova APA-ya bildirib ki, dərhal əraziyə cəlb olunmuş Fövqəladə Hallar Nazirliyinin Yanğından Mühafizə Xidmətinin və ETSN-nin müvafiq yerli qurumlarının əməkdaşlarının, ictimaiyyət nümayəndələrinin birgə səyləri nəticəsində yanğının meşə fondu torpaqlarına keçməsinin qarşısı alınıb.
Hadisə nəticəsində meşə sahəsi yanğından mühafizə olunub.
