“Addım Gənclər Təşkilatı” və “Park Cinema”nın tanınmış simalardan biri ilə kinoteatrlarda film izləmə ənənəsi davam edir.
Axşam.az-ın məlumatına görə, film mədəniyyətinin təbliği məqsədilə hazırlanan “Kinoya ADDIM-la” layihəsi çərçivəsində növbəti ekran işinin nümayişi əməkdar artist Elza Seyidcahanla birlikdə həyata keçirilib. Layihə çərçivəsində gənclərin izlədiyi növbəti film "Ёлки лохматые" olub.
Tədbirin əvvəlində "Addım GənclərTəşkilatı"nın sədri Hüseyn Cavadzadə çıxış edərək bu ildən layihənin dövlət dəstəyi ilə daha da genişlənəcəyini deyib.
E.Seyidcahan açıqlamasında ekran işi ilə bağlı fikirlərini bölüşüb:
"Heyvanları çox sevirəm. Hətta onlar üçün konsert də vermişəm. Bu gün ailə üzvlərimlə heyvanların əsas rolda oynadığı filmi izləmək inanılmaz zövq verdi. Məni belə filmlərə tez tez dəvət edin".
