Bu gün Fövqəladə Hallar Nazirliyinin “112” qaynar telefon xəttinə Binəqədi rayonunda mənzildə termometr sınması barədə müraciət daxil olub. Lent.az nazirliyin saytına istinadən xəbər verir ki, cihazın daxilindəki civə ətrafa dağılıb. Maye halında olan kimyəvi maddə nazirliyin Mülki Müdafiə Qoşunlarının mütəxəssisləri tərəfindən yığılmış və çirklənmiş ərazi demerkurizasiya edilib. Əməliyyat saat 13:05-də başa çatıb.
Oxşar hadisə Sumqayıt şəhərində də qeydə alınıb. Mülki Müdafiə Qoşunlarının mütəxəssisləri civəni yığıb və çirklənmiş ərazini demerkurizasiya ediblər. Əməliyyat saat 16:35-də yekunlaşıb.
