Bu gün Aşıq Samirə Əliyevanın ad günüdür.
Axşam.az-ın məlumatına görə, sənətçi 34 yaşını qeyd edir.
Onu təbrik edənlər arasında keçmiş həyat yoldaşı, prodüser Rizvan Məmmədov da yer alıb.
S.Əliyevanın övladları ilə şəklini paylaşan R.Əliyev təəssüratlarını bölüşüb:
“Gözəl ana, gözəl insan, Azərbaycanın gözəl sənətçisi Aşıq Samirə ad günün mübarək. Hər zaman Allah üzündən gülüşü, canından sağlığı əskik etməsin. Balalarının üstündən əskik olmayasan. Amin İnşallah”.
Qeyd edək ki, S.Əliyeva ilə R.Məmmədov 2010-cu ildə ailə qurmuşdu. Onlar toylarına “İkinci bahar” adını vermişdi. Cütlük ötən il ayrılıb. Onların bir oğlu dünyaya gəlib. S.Əliyevanın ilk nikahından 1 qızı da var.