[ 29 Sentyabr 2015 15:32 ]
Bakı - APA-Economics. Cari ilin oktyabr ayının 1-də Türkiyədə Avropa üçün strateji önəm daşıyan "Cənub Qaz Dəhlizi" və Trans-Anadolu Təbii Qaz Boru Xətti (TANAP) layihələri ilə bağlı müzakirələr aparılacaq.
"APA-Economics"in xəbərinə görə, bu barədə "Anadolu" agentliyinə Avropa Komissiyasının vitse-prezidenti Maroş Şefçoviç deyib.
Vitse-prezident qeyd edib ki, qeyd olunan tarixdə Türkiyənin enerji və təbii sərvətlər naziri Ali Rıza Alaboyun ilə bir sıra məsələləri, o cümlədən neft-qaz kəmərlərinin təhlükəsizliyi məsələlərini müzakirə edəcək.
M. Şefçoviç bildirib ki, Avropa TANAP layihəsinin reallaşdırılmasında "aktiv rol almağa hazırdır".
