Bakı, 1 noyabr, AZƏRTAC
Paytaxt Bakıda və ölkənin müxtəlif bölglərindəki seçki məntəqələrində olan Azərbaycan Mətbuat Şurasının (MŞ) İdarə Heyətinin üzvlərindən ibarət monitorinq qrupu parlament seçkilərində jurnalistlərin prosesi işıqlandırmalarının yüksək səviyyədə təmin olunduğunu qeydə alıb.
Mətbuat Şurasından AZƏRTAC- bildiriblər ki, MŞ-nın sədr müavini, Beynəlxalq Avrasiya Mətbuat Fondunun rəhbəri Umud Rəhimoğlu 8 saylı Binəqədi I seçki dairəsinin 3, 9, 20 və 26, 9 saylı Binəqədi II seçki dairəsinin 11, 12 və 15 saylı məntəqələrində, MŞ İdarə Heyətinin üzvləri - “Bakı xəbər” qəzetinin baş redaktoru Aydın Quliyev 26 saylı Sabunçu I seçki dairəsinin 5, 9 və 15 saylı məntəqələrində, Demokratik Jurnalistlər Liqasının sədri Yadigar Məmmədli 41 saylı Sumqayıt I seçki dairəsinin 5, 20, 21 və 22 saylı seçki məntəqələrində, Jurnalistlərin Həmkarlar İttifaqının sədri Müşfiq Ələsgərli 29 saylı Səbail seçki dairəsinin 1, 2, 3, 5, 10, 15 və 19 saylı məntəqələrində, 30 saylı Suraxanı I seçki dairəsinin 13, 14, 18 və 23 saylı, Orta Asiya və Güney Qafqaz Söz Azadlığı Şəbəkəsinin sədri Azər Həsrət 34 saylı Xətai II seçki dairəsinin əksər məntəqələrində, “İki sahil” qəzetinin baş redaktoru Vüqar Rəhimzadə 15 saylı Yasamal I seçki dairəsinin 2, 4, 9, 11 və 16 saylı məntəqələrində, 33 saylı Xətai I, 34 saylı Xətai II, 35 saylı Xətai III, 36 saylı Xətai IV seçki dairələrinin bir çox məntəqələrində, Bakı Dövlət Universitetinin jurnalistika fakültəsinin dekanı Şamil Vəliyev 21 saylı Nəsimi I seçki dairəsinin 1, 10, 11, 15, 16 və 24 saylı məntəqələrində seçkinin gedişini izləyiblər.
Azərbaycan Mətbuat Şurasının (012) 441 35 96, (012) 441 35 30 telefon, həmçinin (050) 534 93 26 və (055) 201 99 26 mobil nömrələri 1 noyabr parlament seçkiləri ilə əlaqədar olaraq «qaynar xətt» rejimində fəaliyyətdədir. Saat 11.00-dək “qaynar xətt”ə jurnalistlərdən bir müraciət qeydə alınıb. “Report” İnformasiya Agentliyinin müxbiri Orxan Əzimovun 24 saylı Nizami I seçki dairəsinin 19 və 20 saylı məntəqələrində peşə fəaliyyətini sərbəst yerinə yetirməsi təmin olunub, yaranmış anlaşılmazlıq aradan qaldırılıb.
Peşə fəaliyyətini yerinə yetirən jurnalistlər hər hansı çətinliklə üzləşəcəkləri halda yuxarıda qeyd edilən nömrələrə zəng etməklə məlumat verə bilərlər. Şura işini Azərbaycan Respublikasının Mərkəzi Seçki Komissiyası, habelə digər müvafiq qurumlarla sıx əməkdaşlıq şəraitində qurur və seçkini işıqlandıran jurnalistlər üçün hər hansı maneə yaranacağı təqdirdə çətinliyin dərhal aradan qaldırılması istiqamətində zəruri tədbirləri reallaşdıracaq.
