Bakı. 2 noyabr. REPORT.AZ/ "Qarabağ" və "Qəbələ"nin Avropa Liqasının qrup mərhələsinin IV turunda Fransanın "Monako" və Almaniyanın "Borussiya" (Dortmund) komandalarına qarşı keçirəcəyi oyunlara təyinatlar açıqlanıb. "Report"un məlumatına görə, oyunları müvafiq olaraq, rumıniyalı və belçikalı hakimlər briqadası idarə edəcək.
"Qarabağ" - "Monako" matçında baş hakim funksiyasını Kristian Balay yerinə yetirəcək. Noyabrın 5-də Tofiq Bəhramov adına Respublika stadionunda keçiriləcək görüş saat 20:00-da başlanacaq. Dortmunddakı BVB stadionunda Bakı vaxtı ilə saat 22:00-da start götürəcək "Borussiya" - "Qarabağ" qarşılaşmasında isə Sebastyan Delferye iş başında olacaq.