Bakı. 26 noyabr. REPORT.AZ/ Türkiyənin Bolqarıstandakı səfirliyinin binası qarşısında türk dövlətinin sərhədini pozduğu üçün Rusiyanın "Su-24" döyüş təyyarəsinin vurulmasına 200 nəfərlik qrup etiraz aksiyası keçirib.
"Report" TASS-a istinadən xəbər verir ki, ölkə paytaxtı Sofiyada keçirilən mitinq "Atak" Partiyası tərəfindən təşkil edilib.
Aksiya "Türkiyə Rusiyaya müharibə elan edib, biz kimin tərəfindəyik?" şüarı altında keçirilib.
Məlumata görə, Türkiyə səfirliyinin binasının mühafizəsi gücləndirilib.