Bakı. Trend:
Bəzi işbazlar tərəfindən Azərbaycan manatının kursunun kəskin dəyişəcəyinə dair əsassız və doğru olmayan şayiələr yayılıb. Azərbaycan Banklar Assosiasiyasının İcraçı direktorluğu bankların kifayət qədər xarici valyuta likvidliyinin olduğunu və müştərilərin xarici valyutaya olan tələblərinin tam yerinə yetirməsinə imkan verildiyini bildirir.
Belə şayiələrin əsassız olduğunu və müəyyən işbazların maraqlarına xidmət etdiyini, Azərbaycan manatının kursunun kəskin dəyişəcəyinin gözlənilmədiyini nəzərə çatdırır və əhaliyə bu şayiələrə inanmamağı tövsiyə edir.
Bizi Twitter-dən izləyin: @trend_az