Şair Vüqar Əhməd maraqlı açıqlamalar verib.
Milli.Az gecce.az-a istinadən xəbər verir ki, "Evdəkilərə salam" verilişində şair sənətçi qızı və ailəsinin digər üzvləri ilə kamera önünə keçib.
Veriliş zamanı bəlli olub ki, şair 24 yaşına qədər yazdığı bütün şeirləri cırıb atıb. Bundan sonra onun üçün yeni səhifə başlayıb. Qısa zamanda yazdığı şeirlər məşhur mahnıların mətinini təşkil edib. Baloğlan Əşrəfovun ifasında eşitdiyimiz "Anam mənim"i V.Əhməd anasına ithaf etdiyini bildirib.
Qeyd edək ki, V.Əhməd İzzət Bağırovun bacısı ilə ailə həyatı qurub. Lakin müğənni ilə şairin ailə münasibətlərinin soyuq olduğu hiss olunub. Vüqar Əhməd bu barədə danışmaq istəməyib. O, evində xalq artisti Nisə Qasımovanı qonq edib. Bəlli olub ki, Nisə xanım Vüqar Əhmədin həm yaxın qonşusu, həm də sirdaşıdır. Söhbət əsnasında şair Nisə xanımla dostluğundan, qızı Almaxanıma sənətində dəstəyindən söz açıb.
Milli.Az
