Aktrisa Ancelina Coli təkcə filmlərinə görə sevilmir.
Axşam.az-ın xarici KİV-ə istinadən məlumatına görə, BMT-nin xoşməramlı səfiri kimi o, Suriya qaçqınlarına olan həssaslığı ilə də seçilir. Onun müxtəlif ölkələrdəki qaçqın düşərgələrində keçirdiyi görüşlər də təqdir edilir
Bu foto 3 gün əvvəl - martın 16-da Afinada yerləşən qaçqın düşərgəsində çəkilib. Onlar Coli ilə görüşə gəliblər.
Coli Suriya, eləcə də Əfqanıstandan olan müsəlman qaçqınlarla görüşlərində dünya liderlərini onların həyatarına həssas yanaşmağa dəvət edir.
Bu foto isə Livanda çəkilib. Coli yağışlı havada qaçqınların həyatını təsvir edən təsirli müsahibəsini verir.
"Hər bir suriyalının arzusu evlərinə qayıtmaqdır. Onlar müharibənin bitməsini, həmin ərazilərin təhlükəsizliyini istəyirlər".
Bu şəkil isə 2007-ci ildə Dəməşqdə 1200 qaçqının olduğu lagerdə Colinin görüşü zamanı çəkilib.
O, eyni zamanda İraqda xaosa görə ölkədən çıxa bilməyən qadınlarla da görüşüb.
2012-ci ildə aktrisa Suriya-İordaniya sərhədində müharibədən əziyyət çəkənlərlə görüşüb. Həmin vaxt Suriyanı 250 min insan tərk etmişdisə, 2016-cı ildə bu rəqəm 4,8 milyon olub.
Bu isə keçən ilin yanvarında çəkilib.
"2011-ci ildə suriyalı qaçqınlarla görüşdə çox ümidli idilər. Onlar baş verənləri bütün dünyaya çatdırmaq istəyirdilər, bunu bacaracaqlarına inanırdılar. Növbəti dəfə isə ümidləri ölmüşdü. Bir kişi qarşıma çıxıb oğlunu göstərək "mənim oğlum terroristdir?" deyə soruşurdu...".
Sonuncu, bu yaxınlarda baş tutan görüşündən sonra aktrisa Brüsseldə Türkiyənin də iştirakı ilə sammitdə iştirak edərək böhranlı ərazidə baş verənləri tənqid etmişdi.
Bu həftə Colu Yunanıstanın baş naziri Aleksis Çiprasla görüşərək suriyalıların problemlərini gündəmə gətirib.
