Göygöl, 23 fevral, Sabir Əliyev, AzərTAc
Göygöl rayonunun “Murovdağ” qəsəbəsində məskunlaşan kəlbəcərli məcburi köçkünlər tibbi müayinədən keçirilib. Mərkəzi rayon xəstəxanasının həkimləri səyyar tibbi avadanlıqların köməyi ilə qəsəbənin 600-dən çox sakinini müayinə edilib və onlara lazımi tibbi məsləhətlər veriblər.
Mərkəzi rayon xəstəxanasının baş həkimi Mehparə Kazımova AzərTAc-a deyib ki, dövlətimizin başçısının tapşırıq və tövsiyələrinə uyğun olaraq həyata keçirilən tibbi müayinə aksiyası uğurla davam etdirilir. İndiyədək 5 min kəlbəcərli müayinə olunub. Onlardan 311-i ambulator, 4-ü stasionar müalicəyə cəlb edilib, 17-si Bakı şəhərinə göndərilib.
