Bu gün dünyada "Analar günü" kimi qeyd olunur. Sənət aləminin tanınmış simaları sosial şəbəkədə analarının fotosunu paylaşaraq, onları təbrik ediblər.
Milli.Az axşam.az-a istinadəntanınmışların analarına olan təbriklərini təqdim edir:
Əməkdar artist Nüşabə Ələsgərli:
"Mənim tək və yetim qoyub gedən anam, "Analar günü"n mübarək. Sənin yerini kim verə bilər canım, ürəyim, nəfəsim anam".

Əməkdar artist Elza Seyidcahan:
"Mənim anam... "Analar günü"müz mübarək olsun".

Rəqqasə Oksana Rəsulova:
"Mənim əvəzolunmaz anam, bu gün "Analar günü"dür. Bütün analara Allah can sağlığı, uzun ömür versin, bizdən əksik etməsin".

Müğənni İlhamə Qasımova:
"Analar günü"nüz mübarək. Varlığın üçün, sevgin üçün çox sağ ol. Səni sevirəm mənim əziz anam".

Müğənni Xatirə İslam:
"Əziz analar, bayramınız mübarək".

Müğənni Azəri Günel Zeynalova:
"Ailə hər şeyimizdir. Hər şeydə "ana" deyərik. Anam, Allah mənim ömrümdən alsın, sizə versin. Siz yanımızda, əlləriniz çiynimizdə, arxamızda dağ kimi dayanın. Hər kəsin anası dəyərlidir. Mən də başda öz anam olmaqla, bütün anaların bayramını təbrik edirəm".

Milli.Az




