Dağıstanın "Anji-2" komandasında çıxış edən futbolçu Həsən Məhəmmədov qətlə yetirilib. Lent.az-ın sportnet.az-a istinadən məlumatına görə, Dağıstan hüquq-mühafizə orqanları olayın yanvarın 3-nə keçən gecə Qumtorqala rayonunda baş verdiyini bildirib.
20 yaşlı sol cinah müdafiəçisinə gecəyarısı Novokuli qəsəbəsində odlu silahla atəş açılıb və o, xəstəxanada keçinib. Faktı "Anji"nin mətbuat xidmətindən də təsdiqləyiblər: "Məhəmmədov əsas oyunçularımızdan idi. O, mövsüm ərzində 16 oyun keçirmişdi".
Qeyd edək ki, "Anji-2" Rusiya çempionatının cənub zonasının ikinci divizionunda çıxış edir.