“Mən oxuyanda ağlamıram. Əgər özüm ağlasam, dinləyənlər məndən əvvəl ağlayar”.
Axşam.az-ın məlumatına görə, bu sözləri əməkdar artist Baloğlan Əşrəfov “5/5” verilişində deyib. Müğənni mahnı oxuyarkən ifaçının ağlamasını xoşlamadığını bildirib:
“Bacarırsansa, mahnıda yaşaya, özünü xalqa sevdirə bilirsənsə, elə oxu ki, xalq ağlasın. Anam sağdır, yaşayır. Amma 20 il əvvəl mahnı oxuyanda zaldakılar ağlayırdı. Elə bilirdilər ki, anam yoxdur, dünyasını dəyişib. Axı başqa analar var, dünyasını dəyişib. Müğənni oxuyanda yaşamalıdır. Mən də ağlayım, zal mənə qoşulsun, olmaz”.
