Tezliklə Bavariya markasının X-sırasında ilk altı rəqəmlərin hamısı dolu olacaq - orada yalnız böyük yolsuzluq avtomobilləri üçün yer qalacaq.
Çünki "X2" adlı yeri "yolsuzluq kupesi" üslubunda yeni yığcam krossover tutdu. Düzdür, hələlik konsept statusunda.
Milli.Az auto.az-a istinadən bildirir ki, yenilik qabaq ötürücülü UKL platformasında yığılacaq və onun ikinci nəsil "X1" ilə bir çox oxşarlıqları var. Əgər siz hesab edirsinizsə "X1"-in dizaynı elə də idmansayağı deyil (ilk nəsil daha qətiyyətli görünürdü), onda gələcək "X2"-ə də baxın.
Bəli, bu hələlik şoukardır. Çox güman ki, o, seriyalı modelə daha yaxındır. "X2" daha alçaq klirensə və dam xəttinə malikdir və bunun sayəsində o, daha qətiyyətli və aqressiv görünür. Xəyalınızda 21-düymlük təkər disklərini 19-düymlüklə əvəz edin, kameralar əvəzinə normal güzgülər barədə düşünün, gözünüzün qabağına daha ənənəvi optika gətirin - gələcək "X2"-nin dizaynı hazırdır.
Hazırda gözlənilən "X2"-nin texniki detalları barədə məlumat yoxdur. Hələlik yalnız dizayndan söhbət gedir.
Milli.Az