Bu gün İtaliya A seriyasında 15-ci tura start veriləcək.
Komanda.az xəbər verir ki, günün yeganə oyununda “Napoli” “İnter”i qəbul edəcək. Turnir cədvəlində qonşu olan komandalar bu oyuna fərqli əhval-ruhiyyədə çıxacaq. “İnter” keçən turda evdə “Fiorentina”nı məğlub edibsə (4:2), “Napoli” doğma meydanda gözlənilmədən “Sassuolo” ilə heç-heçə edib (1:1).
Ötən turda səfərdə “Cenoa”ya uduzan (1:3) lider “Yuventus” isə bu turda evdə 6 tur ardıcıl qələbə qazanaraq hamını təəccübləndirən “Atalanta”nı qəbul edəcək.
Bazar günü isə bütün diqqətlər Romaya yönələcək. İtaliya paytaxtının iki əzəli rəqibi “Roma” və “Latsio” Olimpiya stadionunda münasibətlərinə aydınlıq gətirəcəklər.
Gələn həftə Avropa Liqasının qrup mərhələsinin son turu çərçivəsində Bakıda “Qarabağ”ın qonağı olacaq “Fiorentina” isə Ağdam klubuyla məsul görüşöncəsi son oyununu “Palermo”ya qarşı keçirəcək.
İtaliya A seriyası, 15-ci tur
2 dekabr
23:45 Napoli - İnter
3 dekabr
23:45 Yuventus - Atalanta
4 dekabr
15:30 Milan - Krotone
18:00 Latsio - Roma
18:00 Peskara - Kalyari
18:00 Sampdoriya - Torino
18:00 Sassuolo - Empoli
23:45 Fiorentina - Palermo
5 dekabr
22:00 Kyevo - Cenoa
00:00 Udineze - Bolonya
