x
Loading...

Android viruslarının sayı çoxalıb

Android viruslarının sayı çoxalıb
08:05 25 Fevral 2017
Ölkə mətbuatı
A- A+

"Google" şirkəti "Android" mobil əməliyyat sistemində ən ciddi boşluqların belə istifadəçilərə ziyan vurmadığını bildirsə də, 2016-cı ildə pul tələb edən virusların aktivliyi üzrə yüksək artım qeydə alınıb. Hakerlər zərərverici proqramlar və saytlar vasitəsilə qurğunun ekranını bloklayır və ya fərdi məlumatları şifrləyirlər. Bundan sonra ekranı blokdan çıxarmaq üçün müəyyən məbləğ tələb olunur. Bundan başqa, hakerlər məhz "Android" istifadəçilərinə hədəflənmiş şəxsi müdaxilə metodlarından aktiv istifadə etməyə başlayıblar. "ESET LiveGrid"in məlumatına görə, 2016-cı ildə "Android" sistemi üçün pul tələb edən virusların sayı 2015-ci illə müqayisədə 50% artıb. Bu halda ötən ilin birinci yarısında daha yüksək aktivlik müşahidə olunub.

Milli.Az ICTnews-a istinadən bildirir ki, ötən il ekranın bloklanması ən populyar  müdaxilə üsulu olub. Virusa yoluxmuş proqram və ya saytın yüklənməsi zamanı mobil qurğunun ekranı bloka düşür və qurğunun blokdan çıxarılması üçün müəyyən məbləğ ödəməyi tələb edən xəbərdarlıq göstərilir. "ESET" şirkətinin mütəxəssisləri bildiriblər ki, kibercinayətkarlar virusları proqramların daxilində daha yaxşı gizlətmək bacarığına yiyələniblər, buna görə onları aşkar etmək daha çətinləşib. Pul tələb edən mobil virusların ən yüksək aktivliyi Şərqi Avropa, ABŞ və Asiya bazarlarında qeydə alınıb.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/mobilt/520497.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

RƏYLƏR

BU KATEQORİYADAN DİGƏR XƏBƏRLƏR